ಕಲೆಗಳ ಪ್ರದರ್ಶನದಿಂದ ಆತಂಕ ಮತ್ತು ಒತ್ತಡ ನಿಭಾಯಿಸಲು ಸಾಧ್ಯ

ಜಾಗತಿಕ ಆರೋಗ್ಯ ಸವಾಲಾಗಿರುವ ಒತ್ತಡ, ಖಿನ್ನತೆಗೆ ವಿವಿಧ ಕಲಾ ಪ್ರಕಾರಗಳು ಸೂಕ್ತ ಚಿಕಿತ್ಸೆಯಾಗಿದೆ ಎಂದು ಅಧ್ಯಯನ ಸಲಹೆ ನೀಡಿದೆ.

ಲಂಡನ್​(ಇಂಗ್ಲೆಂಡ್)​​: ಕಲೆ ಎಂಬುದು ಅನೇಕ ರೋಗಗಳಿಗೆ ಚಿಕಿತ್ಸೆ ಎಂಬುದು ಈಗಾಗಲೇ ಅನೇಕ ವಿಷಯದಲ್ಲಿ ಸಾಬೀತಾಗಿದೆ. ಅದರಲ್ಲೂ ಒತ್ತಡ, ಖಿನ್ನತೆ ಮತ್ತು ಏಕಾಂತದಂತಹ ಭಾವನೆಗಳ ವಿರುದ್ಧ ಇದು ಹೋರಾಡುವಲ್ಲಿ ಪರಿಣಾಮಕಾರಿಯಾಗಿದೆ. ಈ ಹಿನ್ನೆಲೆ ಇಂತಹ ಆಲೋಚನೆಗಳು ಬಂದಾಗ ಕಲೆಗಳತ್ತ ಹೊರಳುವಂತೆ ವೈದ್ಯರುಗಳು ಸಲಹೆ ನೀಡುತ್ತಾರೆ. ಇದರಿಂದ ಔಷಧವಿಲ್ಲದೇ, ನೋವನ್ನು ಉಪಶಮನ ಮಾಡಬಹುದು. ಈ ನಿಟ್ಟಿನಲ್ಲಿ ಇದೀಗ ಮತ್ತೊಂದು ಹೊಸ ಅಧ್ಯಯನವೊಂದು ಕಲೆ ಆಧಾರಿತ ಚಿಕಿತ್ಸೆಗಳು ವ್ಯಕ್ತಿಯ ಯೋಗಕ್ಷೇಮ, ಜೀವನಮಟ್ಟ, ಕಾರ್ಯಾಚರಣೆ ಸಂವಹನ ಮತ್ತು ಸಾಮಾಜಿಕ ಭಾಗವಹಿಸುವಿಕೆಗೆ ಮೇಲಿನ ಪರಿಣಾಮ ಕುರಿತು ಯುನಿವರ್ಸಿಟಿ ಆಫ್​​ ಎಕ್ಸೆಟೆರ್ ಸಂಶೋಧಕರ ತಂಡ ಅಧ್ಯಯನ ನಡೆಸಿದೆ. ಈ ಅಧ್ಯಯನವನ್ನು ಬಿಎಂಜೆ ಒಪನ್​ನಲ್ಲಿ ಪ್ರಕಟಿಸಲಾಗಿದೆ. ಈ ಅಧ್ಯಯನಕ್ಕಾಗಿ ಸಂಶೋಧಕರು, 171 ಅಧ್ಯಯನ ನಡೆಸಿದ್ದು, ಅದರಲ್ಲಿ 12 ​ಸ್ಕ್ರೀನಿಂಗ್​ ಮಾನದಂಡಗಳನ್ನು ಮುಟ್ಟಿದೆ.

ಆತಂಕ ಮತ್ತು ಒತ್ತಡ ಹೊಂದಿರುವ 669 ಭಾಗಿದಾರರ ಮೇಲೆ 2004ರಿಂದ 2021ರ ವರೆಗೆ ಈ ಅಧ್ಯಯನ ನಡೆಸಲಾಗಿದೆ. 9 ದೇಶಗಳಲ್ಲಿ ಐದು ಕಲೆಗಳ ಪ್ರದರ್ಶನದ ಮೇಲೆ ಈ ಅಧ್ಯಯನ ನಡೆಸಲಾಗಿದೆ. ಈ ಐದು ಕಲಾ ಪ್ರಕಾರಗಳು ಎಂದರೆ, ನೃತ್ಯ ಸಂಗೀತ ಚಿಕಿತ್ಸೆ, ಕಲೆ ಚಿಕಿತ್ಸೆ, ಮಾರ್ಷಲ್​ ಆರ್ಟ್​​ ಆಧಾರಿತ ಚಿಕಿತ್ಸೆ ಮತ್ತು ಥಿಯೇಟರ್​​. ಇದರಲ್ಲಿ ನೃತ್ಯ ಅತಿ ಹೆಚ್ಚು ಅಧ್ಯಯನ ನಡೆಸಿದ ಕಲಾ ಪ್ರಕಾರವಾಗಿದೆ. ಇವು ಒತ್ತಡ ಮತ್ತು ಖಿನ್ನತೆ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ ಎಂದು ಅಧ್ಯಯನ ತಿಳಿಸಿದೆ.

ಜಾಗತಿಕ ಸವಾಲು ಆಗಿರುವ ಆತಂಕ- ಒತ್ತಡ: ಅಧ್ಯಯನ ಪ್ರಮುಖ ಲೇಖಕರಾಗಿರುವ ಯುನಿವರ್ಸಿಟಿ ಆಫ್​ ಎಕ್ಸೆಟೆರ್​ ಮೆಡಿಕಲ್​ ಸ್ಕೂಲ್​ನ ಡಾ. ಮ್ಯಾಕ್ಸ್​ ಬರ್ನಿಶ್​​ ಹೇಳುವಂತೆ, ಆತಂಕ ಮತ್ತು ಒತ್ತಡಗಳು ಜಾಗತಿಕ ಆರೋಗ್ಯದ ಎರಡು ಪ್ರಮುಖ ಸವಾಲುಗಳಾಗಿವೆ. ಈ ಸಮಸ್ಯೆಗಳನ್ನು ಯಾವುದೇ ಔಷಧ ಚಿಕಿತ್ಸೆ ಇಲ್ಲದೇ, ಇದರ ಗುಣಲಕ್ಷಣಗಳನ್ನು ಕಡಿಮೆ ಮಾಡಬೇಕಿದೆ. ನಮ್ಮ ಅಧ್ಯಯನವೂ ಈ ಸಂಬಂಧ ಭರವಸೆ ನೀಡಿದೆ. ಆದರೆ, ಈ ಕ್ಷೇತ್ರದಲ್ಲಿನ ಸಂಶೋಧನೆ ಅಲ್ಲಿಯೇ ನಿಂತಿದೆ. ನಾವು ಗುಂಪಿ ಚಿಕಿತ್ಸೆಗೆ ಹೋಲಿಕೆ ಮಾಡಿದರೆ ಕಲೆ ಪ್ರದರ್ಶನಗಳ ಮೇಲೆ ಸಂಶೋಧನೆ ಕೆಲಸ ಮಾಡಬೇಕಿದೆ​. ಹೀಗಾಗಿ, ಯಾವ ರೀತಿಯ ಕ್ರಿಯಾಚಟುವಟಿಕೆಗಳು ಈ ಸಮಸ್ಯೆಯ ಲಕ್ಷಣಗಳನ್ನು ಕಡಿಮೆ ಮಾಡುತ್ತದೆ ಎಂಬುದನ್ನು ಅರಿಯಬೇಕಿದೆ.

ಆತಂಕ ಮತ್ತು ಖಿನ್ನತೆ ಕುರಿತು ಅಧ್ಯಯನಕಾರರು ಹೆಚ್ಚಿನ ಫಲಿತಾಂಶವನ್ನು ಪರಿಗಣಿಸಿದ್ದಾರೆ. ಅಧ್ಯಯನದ ಕಾಲುಭಾಗ, ಜೀವನದ ತೃಪ್ತಿ ಅಥವಾ ಸಾಮಾಜಿಕವಾಗಿ ಜನರ ಸಂವಹನ ಸಾಮರ್ಥ್ಯದ ಅಭಿವೃದ್ಧಿಯಂತಹ ಯೋಗಕ್ಷೇಮದತ್ತ ಗಮನ ಹರಿಸಲಾಗಿದೆ. ಕೇವಲ ಎರಡು ಅಧ್ಯಯನಗಳು ಜೀವನದ ಗುಣಮಟ್ಟದ ಕುರಿತು ನೀಡಿದೆ. ಪ್ರತಿನಿತ್ಯದ ಸಂಪರ್ಕದ ಕುರಿತ ಪ್ರಯೋಜನ ಕುರಿತು ಯಾವುದೇ ಅಧ್ಯಯನ ಗಮನಿಸಿಲ್ಲ. ಸಾಕ್ಷ್ಯಾಧಾರದ ಮೇಲೆ ಅಭಿವೃದ್ಧಿಗೆ ಅನೇಕ ಅವಕಾಶಗಳನ್ನು ಕಂಡಿದ್ದು, ಕ್ಷೇತ್ರದಲ್ಲಿ ಭರವಸೆಗಳನ್ನು ಪತ್ತೆ ಮಾಡಲಾಗಿದೆ ಎಂದು ಅಧ್ಯಯನ ತಿಳಿಸಿದೆ.

ಇದನ್ನೂ ಓದಿ: ಆತ್ಮವಿಶ್ವಾಸ, ದೈಹಿಕ- ಮಾನಸಿಕ ಆರೋಗ್ಯ ಸುಧಾರಣೆಗೆ ನೃತ್ಯದ ಕೊಡುಗೆ ಅಪಾರ