ಸಂಬಂಧದಲ್ಲಿ ಭಾವನಾತ್ಮಕ ನಿಂದನೆ: ಇದನ್ನು ಹೀಗೆ ತಿಳಿಯಿರಿ..

ದೈಹಿಕ ಕಿರುಕುಳಕ್ಕಿಂತ ಭಾವನಾತ್ಮಕ ನಿಂದನೆ ತುಂಬಾ ಕಠೋರವಾಗಿರುತ್ತದೆ. ನಿಂದನೆಗೆ ಒಳಗಾಗುವವರು ಮಾನಸಿಕವಾಗಿ ಖಿನ್ನತೆಗೆ ಒಳಗಾಗಿರುತ್ತಾರೆ. ಅವರ ಹತ್ತಿರ ವ್ಯವಹರಿಸುವುದು ಕೂಡ ಕಷ್ಟ. ಆದ್ರೆ ಭಾವನಾತ್ಮಕ ನಿಂದನೆ ದೈಹಿಕ ಕಿರುಕುಳದಂತೆಯೇ ಅಥವಾ ಅದಕ್ಕಿಂತ ಹೆಚ್ಚು ಹಾನಿಕಾರಕವಾಗಿದೆ. ಇದಕ್ಕೆ ಒಳಗಾಗಿರುವ ವ್ಯಕ್ತಿ ಹೆಚ್ಚು ಗೊಂದಲದಲ್ಲಿ ಇರುತ್ತಾನೆ.

ಭಾವನಾತ್ಮಕವಾಗಿ ನೋವು ಅನುಭವಿಸುವ ಮನುಷ್ಯ ಅದರಿಂದ ಹೊರಗೆ ಬರೋಕೆ ಚಡಪಡಿಸುತ್ತಿರುತ್ತಾನೆ. ಭಾವನಾತ್ಮಕ ರೀತಿಯಲ್ಲಿ ದೂಷಣೆ ಮಾಡಿದರೆ ಆಗ ಪೀಡಿತ ವ್ಯಕ್ತಿಗೆ ಏನೋ ತಪ್ಪಾಗಿದೆ ಎಂದು ತಿಳಿಯಲು ಸಾಧ್ಯವಾಗದೆ ಇರಬಹುದು. ಹೀಗೆ ನಿಂದನೆಗೆ ಒಳಗಾಗಿರುವ ವ್ಯಕ್ತಿಯನ್ನು ಅರಿಯಲು ಇಲ್ಲಿವೆ ಕೆಲವು ಸಲಹೆಗಳು...

ಭಾವನಾತ್ಮಕವಾಗಿ ಆಗುವಂತಹ ದೂಷಣೆಯನ್ನು ತಿಳಿಯುವುದು ತುಂಬಾ ಕಷ್ಟ. ಕೆಲವೊಂದು ಸಂದರ್ಭದಲ್ಲಿ ಪೀಡಿತರು ಇದು ಸಂಬಂಧದ ಒಂದು ಅಂಗವೆಂದೇ ತಿಳಿದುಕೊಂಡು ಪರಿಸ್ಥಿತಿಗೆ ಹೊಂದಿಕೊಳ್ಳಲು ಪ್ರಯತ್ನಿಸುವರು. ಆದರೆ ಇಲ್ಲಿ ಭಾವನಾತ್ಮಕ ನಿಂದನೆಗೆ ಒಳಗಾಗುವ ವ್ಯಕ್ತಿಯು ಇದು ಏನು ಎಂದು ತಿಳಿಯಲು ತುಂಬಾ ಕಷ್ಟಪಡುವರು. ಭಾವನಾತ್ಮಕವಾಗಿ ಸಂಗಾತಿಯು ದೂಷಿಸುತ್ತಿದ್ದಾರೆ ಎಂದು ನಿಮಗೆ ಅನ್ನಿಸಿದರೆ ಆಗ ನೀವು ಈ ಕೆಳಗಿನ ಚಿಹ್ನೆಗಳು ಇದು ಭಾವನಾತ್ಮಕ ದೂಷಣೆ ಎನ್ನುವುದನ್ನು ತಿಳಿಯಬಹುದು.

1.ಸಂಗಾತಿಯನ್ನು ನಿರಾಶೆಗೊಳಿಸದಿರಲು ಯಾವಾಗಲೂ ಪ್ರಯತ್ನಿಸುತ್ತೀರಿ:

ನಿಮ್ಮ ಸ್ವಂತ ಮನೆಯಲ್ಲಿ ನೀವು ಸ್ವತಂತ್ರರಲ್ಲದಾಗ ಅಥವಾ ಸುರಕ್ಷಿತವಾಗಿಲ್ಲ ಎಂದಾಗ ಈ ರೀತಿ ಮಾಡುತ್ತೀರಿ. ನಿಮ್ಮ ಕೆಲಸದಿಂದ ಆಗುವ ಅಪಾಯಗಳ ಬಗ್ಗೆ ನೀವು ಹೆಚ್ಚಾಗಿ ಲೆಕ್ಕ ಹಾಕುತ್ತಿರುತ್ತೀರಿ ಮತ್ತು ನಿಮ್ಮ ಸಂಗಾತಿಯ ನಿಯಮಗಳ ಪ್ರಕಾರ ಬದುಕಲು ಪ್ರಯತ್ನಿಸುತ್ತೀರಿ.

2.ಆತ್ಮಸ್ಥೈರ್ಯ ಕುಸಿದಿರುವುದು:

ಭಾವನಾತ್ಮಕವಾಗಿ ನಿಂದಿಸುವಂತಹ ಸಂಗಾತಿಯು ಯಾವಾಗಲೂ ತನ್ನ ಸಂಗಾತಿಯ ಆತ್ಮವಿಶ್ವಾಸವನ್ನೇ ತಿನ್ನುವ ಪರಾವಲಂಬಿಯಂತೆ. ತನ್ನ ಬಗ್ಗೆ ತುಂಬಾ ಒಳ್ಳೆಯ ಭಾವನೆ ಬರುವಂತೆ ಮಾಡಲು ಪೀಡಿತರನ್ನು ಭಾವನಾತ್ಮಕವಾಗಿ ನೋಯಿಸಲು ಅವರು ಹಿಂಜರಿಯುವುದಿಲ್ಲ. ಇದರ ಪರಿಣಾಮವಾಗಿ ಭಾವನಾತ್ಮಕವಾಗಿ ಪೀಡನೆಗೆ ಒಳಗಾದವರು ತುಂಬಾ ಕೆಳಮಟ್ಟದ ಆತ್ಮಸ್ಥೈರ್ಯ ಹಾಗೂ ಆತ್ಮವಿಶ್ವಾಸ ಹೊಂದುತ್ತಾರೆ.

3.ನಿಮ್ಮ ತಪ್ಪಿಲ್ಲದಿದ್ದರೂ ಸಹ ನೀವು ಕ್ಷಮೆ ಯಾಚಿಸುತ್ತೀರಿ:

ಭಾವನಾತ್ಮಕವಾಗಿ ದುರುಪಯೋಗ ಮಾಡಿಕೊಂಡಿರುವ ಜನರು ತಾವು ಮೂರ್ಖರು, ವಿವೇಚನೆಯಿಲ್ಲದವರು ಅಥವಾ ಸ್ವಾರ್ಥಿಗಳು ಎಂದು ನಂಬುತ್ತಾರೆ. ಏಕೆಂದರೆ, ಅವರ ಸಂಗಾತಿಯಿಂದ ಈ ವಿಷಯಗಳ ಬಗ್ಗೆ ಆಗಾಗ್ಗೆ ಆರೋಪ ಹೊರಿಸಲಾಗಿರುತ್ತದೆ ಎಂದು ಮಾನಸಿಕ ಚಿಕಿತ್ಸಕ ಮತ್ತು ಭಾವನಾತ್ಮಕವಾಗಿ ನಿಂದಿಸುವ ಸಂಬಂಧದ ಲೇಖಕ ಬೆವರ್ಲಿ ಎಂಗಲ್ ಹೇಳುತ್ತಾರೆ.

4.ಪರಕೀಯತೆಯ ಭಾವನೆ ಮೂಡಿಸುವುದು:

ಸಂಬಂಧದಲ್ಲಿ ತುಂಬಾ ಭಾವನಾತ್ಮಕ ನಿಂದನೆಗೆ ಒಳಗಾಗುವ ಪೀಡಿತರು ಯಾವಾಗಲೂ ಪರಕೀಯ ಭಾವನೆಗೆ ಒಳಗಾಗುವರು. ತಮಗೆ ಯಾರೂ ಸ್ನೇಹಿತರು ಅಥವಾ ಕುಟುಂಬದವರಿಲ್ಲ ಎಂದು ಅವರು ಭಾವಿಸುವರು. ನಿಂದಿಸುವ ಸಂಗಾತಿಯು ಇದರಲ್ಲಿ ದೊಡ್ಡ ಪಾತ್ರ ವಹಿಸುತ್ತಾರೆ. ಇಂತಹ ಸಂಬಂಧದಲ್ಲಿ ಯಾವಾಗಲೂ ಸಂಗಾತಿಯು ಒಂದು ಆರೋಗ್ಯಕಾರಿ ಪ್ರೋತ್ಸಾಹ ವ್ಯವಸ್ಥೆಯಿಂದ ದೂರ ಸಾಗುವಂತೆ ಮಾಡುವರು.

5.ನಿಂದಿಸುವವರು ತಮ್ಮನ್ನು ಭಾವೋದ್ರಿಕ್ತ ಎಂದು ಹೇಳಿಕೊಳ್ಳುವರು:

ಭಾವನಾತ್ಮಕವಾಗಿ ತಂದರೆ ನೀಡುವ ವ್ಯಕ್ತಿ ತನ್ನನ್ನು ತಾನು ತುಂಬಾ ಭಾವೋದ್ರಿಕ್ತ ವ್ಯಕ್ತಿ ಎಂದು ಹೇಳಿ ಕೊಳ್ಳುವರು. ಭಾವೋದ್ರಿಕ್ತ ನಡವಳಿಕೆಯಿಂದ ತಾವು ಈ ರೀತಿಯಾಗಿ ನಿಂದಿಸುತ್ತಿರುವುದಾಗಿ ಅವರು ತಮ್ಮನ್ನು ತಾವು ಸಮರ್ಥಿಸಿಕೊಳ್ಳುವರು.

ಸಂಬಂಧದಲ್ಲಿ ಯಾವಾಗಲೂ ಸಂಗಾತಿಯು ನಿಮಗೆ ವೈಯಕ್ತಿಕತೆಗೆ ಅವಕಾಶ ನೀಡದೆ ಇದ್ದರೆ ಆಗ ಇದು ಭಾವನಾತ್ಮಕವಾಗಿ ನಿಂದಿಸುವ ಸಂಗಾತಿ ಎಂದು ಹೇಳಬಹುದು. ಹೀಗೆ ಪೀಡಿಸುವ ಸಂಗಾತಿಯು ಯಾವಾಗಲೂ ತನ್ನೊಂದಿಗೆ ಇರಬೇಕು ಎಂದು ಇನ್ನೊಬ್ಬರ ಮೇಲೆ ಷರತ್ತುಗಳನ್ನು ಹಾಕುವರು.