Diabetes high BP: ಭಾರತದಲ್ಲಿ 315 ಮಿಲಿಯನ್​ ಮಂದಿಗೆ ಅಧಿಕ ರಕ್ತದೊತ್ತಡ; 101 ಮಿಲಿಯನ್ ಜನರಿಗೆ ಮಧುಮೇಹ ಬಾಧೆ! ICMR​ ಅಧ್ಯಯನ ವರದಿ

ದೇಶದಲ್ಲಿ ಸಾಂಕ್ರಾಮಿಕವಲ್ಲದ ರೋಗಗಳ ಪ್ರಮಾಣ ನಿರೀಕ್ಷೆ ಮೀರಿದ ಪ್ರಮಾಣದಲ್ಲಿ ಹೆಚ್ಚಾಗಿದೆ ಎಂದು ICMR ಅಧ್ಯಯನದಲ್ಲಿ ತಿಳಿದುಬಂದಿದೆ.

ನವದೆಹಲಿ: ಭಾರತದಲ್ಲಿ ಸರಿಸುಮಾರು 315 ಮಿಲಿಯನ್ ಮಂದಿ ಅಧಿಕ ರಕ್ತದೊತ್ತಡದಿಂದ (High BP) ಬಳಲುತ್ತಿದ್ದರೆ, 101 ಮಿಲಿಯನ್ ಮಂದಿ ಮಧುಮೇಹದಿಂದ ಬಳಲುತ್ತಿದ್ದಾರೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನೆ ಮಂಡಳಿ (ICMR) ಎಚ್ಚರಿಸಿದೆ. ಈ ಕುರಿತ ವರದಿಯನ್ನು ಲ್ಯಾನ್ಸೆಟ್​ ಡಯಾಬಿಟೀಸ್ ಆ್ಯಂಡ್​ ಎಂಡೊಕ್ರಿನೊಲಾಜಿಯಲ್ಲಿ ಪ್ರಕಟಿಸಲಾಗಿದೆ.

136 ಮಿಲಿಯನ್ ಭಾರತೀಯರು ಪೂರ್ವ ಮಧುಮೇಹ ಹೊಂದಿದ್ದಾರೆ. 213 ಮಿಲಿಯನ್​ ಜನರು ಅಧಿಕ ಕೊಲೆಸ್ಟ್ರಾಲ್​ ಹಾಗು 185 ಮಿಲಿಯನ್​ ಮಂದಿ ಹೆಚ್ಚಿನ ಎಲ್​ಡಿಎಲ್​ ಕೊಲೆಸ್ಟ್ರಾಲ್​ ಅಥವಾ ಕೊಲೆಸ್ಟ್ರಾಲ್​ನಿಂದ ಬಳಲುತ್ತಿದ್ದಾರೆ. ಇದರ ಜೊತೆಗೆ, 254 ಮಿಲಿಯನ್ ಜನರು ಸ್ಥೂಲಕಾಯದಿಂದಲೂ 351 ಮಿಲಿಯನ್​ ಜನರು ಹೊಟ್ಟೆಯ ಸ್ಥೂಲಕಾಯ ಹೊಂದಿದ್ದಾರೆ ಎಂದು ವರದಿ ಹೇಳಿದೆ.

12 ವರ್ಷಗಳ ಸುದೀರ್ಘ ಅಧ್ಯಯನ: ಐಸಿಎಂಆರ್​- ಇಂಡಿಯಾ ಡಯಾಬಿಟೀಸ್​ ಅಧ್ಯಯನದಲ್ಲಿ 1,13,043 ಜನರನ್ನು ಸಮೀಕ್ಷೆಗೆ ಒಳಪಡಿಸಲಾಗಿತ್ತು. 33,537 ನಗರ ಮತ್ತು 79,506 ಗ್ರಾಮೀಣ ಜನರು ಇದರಲ್ಲಿ ಭಾಗಿಯಾಗಿದ್ದರು. 20 ವರ್ಷದ ವಯೋಮಾನ ಮತ್ತು ಅದರಿಂದ ಮೇಲ್ಪಟವರನ್ನು ಅಧ್ಯಯನಕ್ಕೆ ಒಳಪಡಿಸಲಾಗಿತ್ತು. 31 ರಾಜ್ಯ, ಕೇಂದ್ರಾಡಳಿತ ಪ್ರದೇಶಗಳ ನಗರ ಮತ್ತು ಗ್ರಾಮೀಣ ಪ್ರದೇಶ​ಗಳಲ್ಲಿ 2008 ಮತ್ತು 2020ರಲ್ಲಿ ಈ ಸಮೀಕ್ಷೆ ನಡೆಸಲಾಗಿತ್ತು.

ಸಾಂಕ್ರಾಮಿಕವಲ್ಲದ ರೋಗದ ದರ ಕೂಡ ದೇಶದಲ್ಲಿ ಹಲವು ಪ್ರದೇಶಗಳಲ್ಲಿ ಹೆಚ್ಚುತ್ತಿದೆ. ಭಾರತೀಯರ ಚಯಾಪಚಯ ಎನ್​ಸಿಡಿಗಳ ಹರಡುವಿಕೆಯನ್ನು ಪ್ರಮಾಣೀಕರಿಸಲು ಮತ್ತು ಅಂತಾರಾಜ್ಯ ಮತ್ತು ಅಂತರ- ಪ್ರಾದೇಶಿಕ ವ್ಯತ್ಯಾಸಗಳನ್ನು ವಿಶ್ಲೇಷಿಸುವ ಗುರಿ ಹೊಂದಿದ್ದೇವೆ ಎಂದು ಐಸಿಎಂಆರ್​ನ ಸಂಶೋಧಕ ರಂಜೀತ್​ ಮೋಹನ್​ ಅಂಜನಾ ವಿವರ ನೀಡಿದರು.

ಹೆಚ್ಚುತ್ತಿರುವ ಮಧುಮೇಹ, ಆತಂಕ: ಪೂರ್ವ ಮಧುಮೇಹ ಹೊರತುಪಡಿಸಿ, ಸ್ಥೂಲಕಾಯ, ಅಧಿಕ ರಕ್ತದೊತ್ತಡ, ಡಿಸ್ಲಿಪಿಡೆಮಿಯಾ ಮುಂತಾದ ಸಾಂಕ್ರಾಮಿಕವಲ್ಲದ ರೋಗಗಳು ಗ್ರಾಮೀಣ ಪ್ರದೇಶಕ್ಕಿಂತ ಹೆಚ್ಚಾಗಿ ನಗರದಲ್ಲಿ ಕಂಡುಬಂದಿದೆ. ಕಡಿಮೆ ಮಾನವ ಅಭಿವೃದ್ಧಿ ಸೂಚ್ಯಂಕವನ್ನು (HDI) ಹೊಂದಿರುವ ಅನೇಕ ರಾಜ್ಯದಲ್ಲಿ ಮಧುಮೇಹದ ದರ ಪೂರ್ವ ಮಧುಮೇಹದ ಒಂದರ ದರಕ್ಕಿಂತ ಕಡಿಮೆ ಇದೆ.

ಕೇರಳ, ಪಾಂಡೀಚೆರಿ, ಗೋವಾ, ಸಿಕ್ಕಿಂ ಹಾಗು ಪಂಜಾಬ್​ನಂತಹ ಕೆಲವು ದೇಶಹದಲ್ಲಿ ಎನ್​ಸಿಡಿಗಳು ಹೆಚ್ಚಿನ ಹರಡುವಿಕೆ ಹೊಂದಿದೆ ಎಂದು ಅಧ್ಯಯನ ತಿಳಿಸಿದೆ. ಮಧುಮೇಹ ಹೆಚ್ಚಾಗಿ ಉತ್ತರ ಮತ್ತು ದಕ್ಷಿಣ ಭಾರತದಲ್ಲಿ ಕಂಡುಬರುತ್ತಿದೆ. ನಗರದಲ್ಲಿ ಇದರ ದರ ಹೆಚ್ಚಿದೆ. ಮತ್ತೊಂದು ಕಡೆ, ಕೇಂದ್ರ ಈಶಾನ್ಯದಲ್ಲಿ ಕಡಿಮೆ ಹರಡುವಿಕೆ ಇದೆ. ನಗರ ಮತ್ತು ದೇಶದ್ಯಾಂತ ಅಧಿಕ ರಕ್ತದೊತ್ತಡ ಹೆಚ್ಚಾಗಿದೆ.

ಭಾರತದಲ್ಲಿ ಹಿಂದೆ ಅಂದಾಜಿಸಿದ್ದಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ ಮಧುಮೇಹ ಮತ್ತು ಇತರೆ ಮೆಟಬಾಲಿಕ್​ ಎನ್​ಸಿಡಿಗಳ ಹರಡುವಿಕೆ ಹೆಚ್ಚು. ಭಾರತದಲ್ಲಿ ಮೆಟಾಬಾಲಿಕ್ ಎನ್‌ಸಿಡಿಗಳ ವೇಗವಾಗಿ ಹೆಚ್ಚುತ್ತಿರುವ ಸಾಂಕ್ರಾಮಿಕ ರೋಗವನ್ನು ತಡೆಗಟ್ಟಲು ತುರ್ತು ರಾಜ್ಯ- ನಿರ್ದಿಷ್ಟ ನೀತಿಗಳು ಮತ್ತು ಮಧ್ಯಸ್ಥಿಕೆಗಳನ್ನು ಖಾತರಿಪಡಿಸುತ್ತದೆ ಎಂದು ಅಧ್ಯಯನದಲ್ಲಿ ತಿಳಿಸಿದೆ. ಜೀವನ ಶೈಲಿ, ಆರೋಗ್ಯ, ಒತ್ತಡದ ಬದುಕು ಮತ್ತು ಆಹಾರ ಶೈಲಿಗಳು ವಿವಿಧ ಆರೋಗ್ಯ ಸಮಸ್ಯೆಯಲ್ಲಿ ಗಣನೀಯ ಪಾತ್ರವನ್ನು ಹೊಂದಿದ್ದು, ಇದರ ವಿರುದ್ಧ ಅಗತ್ಯ ಕ್ರಮಕ್ಕೆ ಮುಂದಾಗಬೇಕಿದೆ.

ಇದನ್ನೂ ಓದಿ: Milk Alternative: ಹಾಲು ಎಂದ್ರೆ ಅಲರ್ಜಿನಾ? ಹಾಗಾದ್ರೆ ಅಷ್ಟೇ ಸಮೃದ್ಧವಾಗಿರುವ ಈ ಹಾಲಿನ ಬಳಕೆ ಮಾಡಿ