ಬೆಳ್ಳಂ ಬೆಳಗ್ಗೆ ಕಳ್ಳರ ಕೈಚಳಕ: ಯಾದಗಿರಿಯಲ್ಲಿ ಬಸವಣ್ಣನ ಬೆಳ್ಳಿ ಕವಚ ಕಳವು

ಯಾದಗಿರಿ ಜಿಲ್ಲೆಯ ಗುತ್ತಿ ಬಸವೇಶ್ವರ ಮಂದಿರದಲ್ಲಿ ಸಿಸಿ ಕ್ಯಾಮೆರಾಗಳನ್ನು ಅಳವಡಿಸದೇ ಇರುವುದು ಹಾಗೂ ಕಳ್ಳತನ ನಂತರವೂ ಸ್ಥಳಕ್ಕೆ ಭೇಟಿ ನೀಡದೇ ಇರುವುದು ತಹಶೀಲ್ದಾರ್​ ನಿರ್ಲಕ್ಷ್ಯವೆಂದು ದೂರಿ ಅವರ ವಿರುದ್ಧ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಯಾದಗಿರಿ: ಜಿಲ್ಲೆಯ ಕೆಂಭಾವಿ ಸಮೀಪದ ಗುತ್ತಿ ಬಸವೇಶ್ವರ ದೇವಸ್ಥಾನದಲ್ಲಿ ಬಸವಣ್ಣನ ಬೆಳ್ಳಿ ಕವಚ ಸೋಮವಾರ ರಾತ್ರಿ ಕಳ್ಳತನವಾಗಿದೆ. ಧಾರ್ಮಿಕ ದತ್ತಿ ಇಲಾಖೆಗೆ ಒಳಪಡುವ ಪ್ರಸಿದ್ಧ ಗುತ್ತಿ ಬಸವೇಶ್ವರ ಮಂದಿರದ ಬೀಗ ಮುರಿದು 3 ಕೆಜಿ ದೇವರ ಎರಡು ಬೆಳ್ಳಿ ಮೂರ್ತಿ ಹಾಗೂ ಆಭರಣ ಕಳ್ಳತನವಾಗಿದೆ.

ಪಿಎಸ್ಐಗೆ ನೀನು ಮೊದಲು ಕೇಸ್ ಮಾಡು. ಸಿಸಿ ಕ್ಯಾಮರಾ ಅಳವಡಿಸಿದ್ದನ್ನು ಏನು ಕೇಳ್ತಿಯಾ?. ಪೋನ್ ಮಾಡಿದ ಭಕ್ತರು ಇಲ್ಲಿ ಬರೋದಿಲ್ಲ. ಏನು ಮಾಡಿಕೊಳ್ತಿರಿ ಎಂದು ಸುರಪುರ ತಹಶಿಲ್ದಾರ್​ ಸುಬ್ಬಣ್ಣ ಜಮಖಂಡಿಗೆ ಆವಾಜ್ ಹಾಕಿದ ಪ್ರಸಂಗ ನಡೆದಿದೆ.

ಮಂದಿರದಲ್ಲಿ ಸಿಸಿ ಕ್ಯಾಮೆರಾಗಳನ್ನು ಅಳವಡಿಸದೇ ಇರುವುದು ಹಾಗೂ ಕಳ್ಳತನ ನಂತರವೂ ಸ್ಥಳಕ್ಕೆ ಭೇಟಿ ನೀಡದೇ ಇರುವುದು ತಹಶೀಲ್ದಾರ್​ ನಿರ್ಲಕ್ಷ್ಯ ಎಂದು ದೂರಿ ಅವರ ವಿರುದ್ಧ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಘಟನಾ ಸ್ಥಳಕ್ಕೆ ಕೆಂಭಾವಿ ಪಿಎಸ್ಐ ವಿಶ್ವನಾಥ ಮುದರಡ್ಡಿ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಅಲ್ಲದೇ ಬೆರಳಚ್ಚು ತಜ್ಞರು ಮತ್ತು ಶ್ವಾನದಳ ಅಧಿಕಾರಿಗಳು ಪರಿಶೀಲನೆ ನಡೆಸುತ್ತಿದ್ದಾರೆ.

ಓದಿ:ಕೃಷಿಯಲ್ಲಿ ದೇಶ ಆತ್ಮನಿರ್ಭರವಾಗಬೇಕಿದೆ: ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್​