ಪಾಸಿಟಿವ್ ಇದ್ದವರು ಒಂದೇ ದಿನದಲ್ಲಿ ನೆಗೆಟಿವ್: ಗೊಂದಲಕ್ಕೆ ಕಾರಣವಾದ ಪೊಲೀಸರ ಕೋವಿಡ್​ ಟೆಸ್ಟ್​

ಪಾಸಿಟಿವ್ ಬಂದಿದ್ದ ಗುರುಮಠಕಲ್ ಪೊಲೀಸ್​ ಠಾಣೆ ಸಿಬ್ಬಂದಿಯ ಕೋವಿಡ್​ ವರದಿ ಒಂದೇ ದಿನದಲ್ಲಿ ನೆಗೆಟಿವ್ ಬಂದಿದ್ದು, ಸಾರ್ವಜನಿಕರ ಗೊಂದಲಕ್ಕೆ ಕಾರಣವಾಗಿದೆ.

ಗುರುಮಠಕಲ್: ಇಲ್ಲಿನ ಪೊಲೀಸ್ ಠಾಣೆಯ ಪಿಎಸ್​ಐ ಸೇರಿದಂತೆ 16 ಸಿಬ್ಬಂದಿಗೆ ಜುಲೈ 13 ರಂದು ಕೊರೊನಾ ಸೋಂಕು ಇರುವುದು ದೃಢಪಟ್ಟಿತ್ತು. ಹೀಗಾಗಿ ಅವರನ್ನು ಕೋವಿಡ್​ ಕೇರ್ ಸೆಂಟರ್​ಗೆ ಶಿಫ್ಟ್ ಮಾಡಲಾಗಿತ್ತು. ಆದ್ರೆ, ಜುಲೈ 14 ರಂದು ವರದಿ ನೆಗೆಟಿವ್ ಬಂದಿದೆ ಎಂದು ಅವರನ್ನು ಬಿಡುಗಡೆ ಮಾಡಲಾಗಿದೆ. ಈ ಸುದ್ದಿ ಸಾರ್ವಜನಿಕ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಒಂದು ದಿನದ ಅಂತರದಲ್ಲಿ ಪಾಸಿಟಿವ್ ನೆಗೆಟಿವ್ ಆಗೋದಕ್ಕೆ ಹೇಗೆ ಸಾಧ್ಯ ಎಂಬ ಪ್ರಶ್ನೆ ಸಾರ್ವಜನಕರಲ್ಲಿ ಮೂಡಿದೆ. ಈ ಬಗ್ಗೆ ವೈದ್ಯರನ್ನು ಕೇಳಿದ್ರೆ, ಜುಲೈ 4 ರಂದೇ ಸಿಬ್ಬಂದಿ ಸ್ಯಾಂಪಲ್ಸ್ ಸಂಗ್ರಹಿಸಲಾಗಿತ್ತು. ಜುಲೈ 11 ಕ್ಕೆ ವರದಿಯೂ ಬಂದಿತ್ತು. ಜುಲೈ 13 ಕ್ಕೆ ಕೋವಿಡ್​ ಕೇರ್ ಸೆಂಟರ್​ಗೆ ಶಿಫ್ಟ್ ಮಾಡಲಾಗಿದೆ. ಒಂಭತ್ತು ದಿನಗಳ ಅಂತರ ಇದ್ದಿದ್ದರಿಂದ ಅವರನ್ನು ಮತ್ತೆ ಟ್ರೂನೆಟ್ ಪರೀಕ್ಷೆಗೆ ಒಳಪಡಿಸಲಾಗಿದೆ. ಈ ವೇಳೆ ನೆಗೆಟಿವ್ ಬಂದಿದೆ. ಹೀಗಾಗಿ ಬಿಡುಗಡೆ ಮಾಡಲಾಗಿದೆ ಎಂದು ಹೇಳಿದ್ದಾರೆ.

ಗೊಂದಲಕ್ಕೆ ಕಾರಣವಾದ ಪೊಲೀಸರ ಕೋವಿಡ್​ ಟೆಸ್ಟ್​

ಇತ್ತ, ಹಿರಿಯ ಪೊಲೀಸ್​ ಅಧಿಕಾರಿಗಳು ಎಲ್ಲಾ ಸಿಬ್ಬಂದಿಯನ್ನು ಹೋಂಕ್ವಾರಂಟೈನ್ ಮಾಡಲಾಗಿದೆ. ಜನರು ಚಿಂತಿಸುವ ಅಗತ್ಯವಿಲ್ಲ ಎಂದು ಹೇಳುತ್ತಿದ್ದಾರೆ.