ಬಿತ್ತಿದ ಬೀಜ ನಾಟಿಯಾಗಿಲ್ಲ... ಯಾದಗಿರಿಯಲ್ಲಿ ಕಣ್ಣೀರಿಡುತ್ತಿರುವ ರೈತ!

ಮುಂಗಾರು ಮಳೆ ನಿಧಾನವಾಗಿ ಪ್ರಾರಂಭವಾಗಿದೆ. ಕೆಲವೆಡೆ ಭಾರೀ ವರ್ಷಧಾರೆ ಸುರಿಯುತ್ತಿದ್ದು, ಮತ್ತೆ ಕೆಲವೆಡೆ ಮಳೆಯ ಅಭಾವ ಎದುರಾಗಿದೆ. ಇಲ್ಲಿ ರೈತ ಬಿತ್ತಿದ ಬೀಜ ನಾಟಿಯಾಗದೆ ನಶಿಸಿ ಹೋಗುತ್ತಿದೆ ಎಂದು ರೈತ ಕಣ್ಣೀರಿಡುತ್ತಿದ್ದಾನೆ.

ಯಾದಗಿರಿ:ಜಿಲ್ಲೆಯಲ್ಲಿ ಮುಂಗಾರು ಮಳೆ ಪ್ರಾರಂಭವಾದ್ರೂ ಕೂಡ ಜಮೀನಿನಲ್ಲಿ ಬಿತ್ತಿದ ಬೀಜ ನಾಟಿಯಾಗದೆ ಬೀಜ ನಶಿಸಿ ಹೋಗುತ್ತಿದೆ ಎಂದು ರೈತ ಕಣ್ಣೀರಿಡುತ್ತಿದ್ದಾನೆ.

ಜಿಲ್ಲೆಯ ಶಹಾಪುರ ತಾಲೂಕಿನ ಬೇವಿನಾಳ‌ ಗ್ರಾಮದ ರೈತ ತನ್ನ ಜಮೀನಿನಲ್ಲಿ ಬಿತ್ತಿದ ಬೀಜ ನಾಟಿಯಾಗದಿರುವುದಕ್ಕೆ ಅಸಮಾಧಾನಗೊಂಡು ಮಳೆಯ ಮೊರೆ ಹೋಗಿದ್ದಾನೆ. ಈ ಬಾರಿ ಜಿಲ್ಲೆಯಲ್ಲಿ ಜೂನ್​ನಿಂದ ಪ್ರಾರಂಭವಾಗಬೇಕಿದ್ದ ಮುಂಗಾರು ಮಳೆ ಬಾರದ ಪರಿಣಾಮ ಬಿತ್ತನೆ ಮಾಡಿದ ಬೀಜ ನಾಟಿಯಾಗಿಲ್ಲ. ಆಗಸ್ಟ್ ತಿಂಗಳಲ್ಲಿ ಪುಷ್ಯ ಮಳೆಯು ಇದ್ದ ಕಾರಣ ಮಳೆ ಹೆಚ್ಚಾಗಿ ಬಂದಿಲ್ಲ ಎಂದು ರೈತ ಅಳಲು ತೋಡಿಕೊಂಡಿದ್ದಾನೆ.

ಮುಂಗಾರು ಮಳೆ ಸರಿಯಾಗಿ ಬಾರದ ಪರಿಣಾಮ ಜಾನುವಾರುಗಳಿಗೆ ಮೇವು ಇಲ್ಲದಂತಹ ಪರಿಸ್ಥತಿ ಉದ್ಭವವಾಗಿದೆ. ಜಿಲ್ಲಾಡಳಿತ ಜಾನುವಾರಗಳಿಗೆ ಮೇವು ಬ್ಯಾಂಕ್ ಸ್ಥಾಪನೆ ಮಾಡಬೇಕು ಎಂದ ರೈತ ಅಗ್ರಹಿಸಿದ್ದಾನೆ.

ಕೃಷಿ ಇಲಾಖೆಯಿಂದ ನೀಡುವ ಸರ್ಕಾರಿ ಬೀಜ, ಗೊಬ್ಬರ ಕಳಪೆ ಮಟ್ದದಾಗಿದ್ದು, ಬಿತ್ತನೆ ಮಾಡಿದ ಬೀಜ ನಾಟಿಯಾಗುತ್ತಿಲ್ಲ ಎಂದು ಕೃಷಿ ಇಲಾಖೆ ವಿರುದ್ಧ ದೂರಿದ್ದಾನೆ.