Job Alert! ಯಾದಗಿರಿ ಜಿಲ್ಲಾ ಪಂಚಾಯತ್​​ನಲ್ಲಿದೆ ನೌಕರಿ: 35 ಸಾವಿರ ರೂಪಾಯಿ ವೇತನ!

Yadgiri Zilla Panchayat: ಜಿಲ್ಲೆಯಲ್ಲಿ ಖಾಲಿ ಇರುವ ಒಟ್ಟು 10 ಹುದ್ದೆಗಳ ಭರ್ತಿಗೆ ಯಾದಗಿರಿ ಜಿಲ್ಲಾ ಪಂಚಾಯತ್ ಅಧಿಸೂಚನೆ ಹೊರಡಿಸಿದೆ.

ಯಾದಗಿರಿ ಜಿಲ್ಲೆಯಲ್ಲಿ ಖಾಲಿ ಇರುವ ವಿವಿಧ ಹುದ್ದೆಗಳ ನೇಮಕಾತಿಗೆ ಅರ್ಜಿ ಆಹ್ವಾನಿಸಲಾಗಿದೆ. ಮನರೇಗಾ ಯೋಜನೆಯಡಿ ಸಿಎಫ್​ಪಿ ಸಿಬ್ಬಂದಿ ನೇಮಕಾತಿಗೆ ನಿರ್ಧರಿಸಲಾಗಿದೆ. ಖಾಲಿ ಇರುವ ಒಟ್ಟು 10 ಹುದ್ದೆಗಳ ಭರ್ತಿಗೆ ಅಧಿಸೂಚನೆ ಪ್ರಕಟಿಸಲಾಗಿದೆ. ಹೊರಗುತ್ತಿಗೆ ಮೇರೆಗೆ ಭರ್ತಿ ನಡೆಯಲಿದೆ.

ಅಧಿಸೂಚನೆ

ಹುದ್ದೆಗಳೇನು? : ಜಿಲ್ಲಾ ಕೋ ಆರ್ಡಿನೇಟರ್- 1​, ಜಿಲ್ಲಾ ಜಿಐಎಸ್​​ ಎಕ್ಸ್​ಪರ್ಟ್- 1​​, ಜಿಐಎಸ್​ ಕೋಆರ್ಡಿನೇಟರ್- 2​​, ಬ್ಲಾಕ್​ ಎನ್​ಆರ್​ಎಂ ಎಕ್ಸ್​ಪರ್ಟ್- 3​​ ಮತ್ತು ಬ್ಲಾಕ್​ ಲೈವ್ಲಿಹುಡ್​ ಎಕ್ಸ್​​ಪರ್ಟ್- 3​​ ಹುದ್ದೆಗಳು.

ವಿದ್ಯಾರ್ಹತೆ: ಜಿಲ್ಲಾ ಕೋ ಆರ್ಡಿನೇಟರ್​, ಜಿಲ್ಲಾ ಜಿಐಎಸ್​ ಎಕ್ಸ್​ಪರ್ಟ್​​, ಬ್ಲಾಕ್ಸ್​ ಜಿಐಎಸ್​ ಕೊಆರ್ಡಿನೇಟರ್​ ಹುದ್ದೆಗಳಿಗೆ ಅಭ್ಯರ್ಥಿಗಳು ಬಿಇ ಅಥವಾ ಬಿಟೆಕ್​ ಪದವಿ ಮಾಡಿರಬೇಕು. ಬ್ಲಾಕ್​ ಎನ್​ಆರ್​ಎಂ ಎಕ್ಸ್​ಪರ್ಟ್​ ಹುದ್ದೆಗಳಿಗೆ ಸಿವಿಲ್​ ಇಂಜಿನಿಯರಿಂಗ್​ನಲ್ಲಿ ಡಿಪ್ಲೊಮಾ ಅಥವಾ ಬಿಟೆಕ್​ ಪದವಿ, ಬ್ಲಾಕ್​ ಲೈವ್ಲಿಹುಡ್​ ಎಕ್ಸ್​ಪರ್ಟ್​ ಹುದ್ದೆಗೆ ಸ್ನಾತಕೋತ್ತರ ಪದವಿ ಪೂರೈಸಿರಬೇಕು. ಅಭ್ಯರ್ಥಿಗಳು ಸಂಬಂಧಿತ ಕ್ಷೇತ್ರದಲ್ಲಿ 2 ವರ್ಷ ಕಾರ್ಯ ನಿರ್ವಹಣೆ ಮಾಡಿದ ಅನುಭವ ಹೊಂದಿರಬೇಕು.

ವಯೋಮಿತಿ: ಕನಿಷ್ಠ 21 ವರ್ಷ, ಗರಿಷ್ಠ 45 ವರ್ಷ.

ವೇತನ:30 ರಿಂದ 35 ಸಾವಿರ ರೂ ವೇತನ.

ಷರತ್ತುಗಳು:ಅಭ್ಯರ್ಥಿಗಳು ಕಂಪ್ಯೂಟರ್​ ಜ್ಞಾನ ಹೊಂದಿರುವುದು ಕಡ್ಡಾಯ. ಹಾಗೆಯೇ, ಕನ್ನಡ ಮತ್ತು ಇಂಗ್ಲಿಷ್​ ಭಾಷಾ ಜ್ಞಾನವಿರಬೇಕು.

ಅಭ್ಯರ್ಥಿಗಳು ಆನ್​ಲೈನ್​ ಮೂಲಕ ಅರ್ಜಿ ಸಲ್ಲಿಸಬಹುದು. ಅರ್ಜಿ ಶುಲ್ಕವಿಲ್ಲ. ಆಗಸ್ಟ್​ 2ರಂದು ಅರ್ಜಿ ಸಲ್ಲಿಕೆ ಆರಂಭವಾಗಿದ್ದು, ಆಗಸ್ಟ್​ 16 ಕಡೆಯ ದಿನಾಂಕ. ಸಂಪೂರ್ಣ ಮಾಹಿತಿ ಮತ್ತು ಅಧಿಕೃತ ಅಧಿಸೂಚನೆಗೆ zpyadgiri.karnataka.gov.in ಇಲ್ಲಿಗೆ ಭೇಟಿ ನೀಡಿ.

ಇದನ್ನೂ ಓದಿ: IBPS Recruitment: ಕೆನರಾ ಬ್ಯಾಂಕ್​ ಸೇರಿದಂತೆ ಹಲವು ಬ್ಯಾಂಕ್​ಗಳಲ್ಲಿ ನೇಮಕಾತಿ