ಗುರುಮಠಕಲ್: ಗುರುಮಠಕಲ್ ಹೊರವಲಯದಲ್ಲಿನ ಮಳ್ಳ ಕಾಡಿನಲ್ಲಿರುವ ಬಂಡಲೋಗು ಜಲಪಾತ ನಯನ ಮನೋಹರವಾಗಿದೆ. ಮಲೆನಾಡ ಪಕೃತಿ ಸೊಬಗನ್ನು ಹೋಲುವ, ಪ್ರಕೃತಿ ಪ್ರಿಯರನ್ನು ಕೈಬೀಸಿ ಕರೆಯುವ ಸುಂದರ ತಾಣ ಬಹಳಾನೇ ಚೆಂದ. ಅದ್ರೆ ಮೂಲ ಸೌಕರ್ಯ ಮಾತ್ರ ಇಲ್ಲಿ ಕಣ್ಮರೆಯಾಗಿದೆ.
ಪ್ರವಾಸಿಗರನ್ನು ಕೈಬೀಸಿ ಕರೆಯುತ್ತಿದೆ ಬಂಡಲೋಗು ಜಲಪಾತ
ಪಟ್ಟಣದ ಹೊರವಲಯದ ಸುಮಾರು 3 ಕಿ.ಮೀ ದೂರದಲ್ಲಿರುವ ಮಳ್ಳ ಕಾಡಿನಲ್ಲಿ ಈ ಜಲಪಾತವಿದೆ. ಬಂಡೆಗಳ ಮೇಲೆ ಹರಿಯುತ್ತಾ ಸಾಗಿ ಸುಮಾರು 30 ಅಡಿ ಎತ್ತರದಿಂದ ನೀರು ಧುಮಿಕ್ಕುವ ದೃಶ್ಯ ಬಹಳ ಆಕರ್ಷಕ. ಸ್ಥಳೀಯರು ಇದನ್ನು ಬಂಡಲೋಗು ಎಂದು ಕರೆಯುತ್ತಾರೆ. ತೆಲಂಗಾಣದ ಗಡಿಭಾಗವಾಗಿರುವ ಕಾರಣ ಈ ಭಾಗದಲ್ಲಿ ತೆಲುಗು ಭಾಷೆ ಪ್ರಭಾವ ಹೆಚ್ಚಿದೆ. ತೆಲುಗು ಭಾಷೆಯಲ್ಲಿ ಬಂಡಲೋಗು ಎಂದರೆ ಬಂಡೆಗಳ ಹಳ್ಳ ಎನ್ನುವ ಅರ್ಥವಿದೆ. ಈ ಹೊಳೆಯು ಬಂಡೆಗಳ ಮೇಲೆ ಹರಿಯುವುದರಿಂದ ಈ ಹೆಸರು ಬಂದಿದೆ ಎಂಬುದು ಸ್ಥಳೀಯರ ಅಭಿಪ್ರಾಯ.