ಗ್ಯಾಸ್ ಸಿಲಿಂಡರ್ ಸ್ಫೋಟ: ಗಾಯಗೊಂಡ ಯುವತಿ ಆಸ್ಪತ್ರೆಯಲ್ಲಿ ಸಾವು

ಎರಡು ವಾರಗಳ ಹಿಂದೆ ಗ್ಯಾಸ್ ಸಿಲಿಂಡರ್ ಬ್ಲಾಸ್ಟ್ ಆಗಿ ಗಾಯಗೊಂಡು ಆಸ್ಪತ್ರೆ ಸೇರಿದ್ದ 17 ವರ್ಷದ ಯುವತಿ ಇಂದು ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾಳೆ.

ಯಾದಗಿರಿ:ಶಹಪುರ ತಾಲೂಕಿನ ಇಂಗಳಗಿ ಗ್ರಾಮದ ಯುವತಿಯೊಬ್ಬಳುಗ್ಯಾಸ್ ಸಿಲಿಂಡರ್ ಸ್ಫೋಟವಾಗಿ ಗಂಭೀರವಾಗಿ ಗಾಯಗೊಂಡ ಪರಿಣಾಮ ಮೃತಪಟ್ಟಿದ್ದಾಳೆ.

ಇಂಗಳಗಿ ಗ್ರಾಮದ ಸುಚಿತ್ರಾ (17) ಮೃತಪಟ್ಟ ಯುವತಿ. ಅಡುಗೆ ಕೋಣೆಯಲ್ಲಿ ಚಹಾ ಮಾಡಲು ತೆರಳಿದ್ದ ಈಕೆ ಗ್ಯಾಸ್ ಒಲೆ ಆನ್​ ಮಾಡಿ ಲೈಟರ್ ಹುಡುಕಲು ತೆರಳಿದ್ದಾಳೆ. ಆದರೆ ಒಲೆಯಿಂದ ಗ್ಯಾಸ್ ಸೋರಿಕೆಯಾಗಿದ್ದ ಪರಿಣಾಮ ಯುವತಿ ಲೈಟರ್​​ನಿಂದ ಬೆಂಕಿ ಹೊತ್ತಿಸಿದಾಗ ಬ್ಲಾಸ್ಟ್​​ ಆಗಿದೆ. ಘಟನೆಯಲ್ಲಿ ಯುವತಿಯ ಬಹುತೇಕ ದೇಹಭಾಗ ಸುಟ್ಟು ಹೋಗಿವೆ.

ಗಾಯಗೊಂಡ ಯುವತಿಯನ್ನು ಕಲಬುರಗಿ ನಗರದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗಾಗಿ ಕಳೆದ 15 ದಿನಗಳ ಹಿಂದೆ ದಾಖಲಿಸಲಾಗಿತ್ತು. ಆದ್ರೆ ಇಂದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾಳೆ.
ಭೀಮರಾಯ ಗುಡಿ ಪೊಲೀಸ್ ಠಾಣೆಯಲ್ಲಿ ‌ಪ್ರಕರಣ ದಾಖಲಾಗಿದೆ.