ಯಾದಗಿರಿ :ಕೊರೊನಾ ಎಲ್ಲರನ್ನು ಒಂದಲ್ಲಾ ಒಂದು ರೀತಿಯಲ್ಲಿ ಸಂಕಷ್ಟಕ್ಕೆ ತಳ್ಳಿದ್ದು ಸುಳ್ಳಲ್ಲ. ಜಾತ್ರೆ, ಉಪನಯನ, ಮದುವೆ ಸೇರಿದಂತೆ ಮತ್ತಿತರೆ ಶುಭ ಸಮಾರಂಭಗಳಿಗೆ ಅತ್ಯಾವಶ್ಯಕವಾಗಿ ಬೇಕಾದ ಟೆಂಟ್ಹೌಸ್ ಕೂಡ ಇದರ ಹೊರತಾಗಿಲ್ಲ. ಕೊರೊನಾ ಪರಿಣಾಮದಿಂದಾಗಿ ಹತ್ತು ಹಲವು ಕಾರ್ಯಕ್ರಮಗಳಿಗೆ ಕೇಂದ್ರ ಸರ್ಕಾರ ಸಂಪೂರ್ಣ ತಿಲಾಂಜಲಿ ನೀಡಿದ್ದರಿಂದ ಟೆಂಟ್ಹೌಸ್ ಮಾಲೀಕರು ಈ ವಿಷ ವರ್ತುಲದಲ್ಲಿ ನಲುಗಿ ಹೋಗಿದ್ದಾರೆ.
ಟೆಂಟ್ಹೌಸ್ ಮಾಲೀಕರ ಮೇಲೆ ಕೊರೊನಾ ಕರಿಛಾಯೆ ಕೇಂದ್ರ ಸರ್ಕಾರ ಈಗ ಅನ್ಲಾಕ್ ಘೋಷಣೆ ಮಾಡಿದೆ. ಆದರೂ ಸಹ ವ್ಯಾಪರವಿಲ್ಲದೇ ಟೆಂಟ್ಹೌಸ್ ವ್ಯಾಪಾರಸ್ಥರು ಸಂಕಷ್ಟದಲ್ಲಿಯೇ ಕಾಲ ದೂಡುತ್ತಿದ್ದಾರೆ. ಮನುಕುಲಕ್ಕೆ ಮಾರಕ ತಂದ ಕೊರೊನಾ ಟೆಂಟ್ಹೌಸ್ ಮಾಲೀಕರನ್ನು ಬಿಟ್ಟಿತೇ? ಲಾಕ್ಡೌನ್ ಹೇರಿಕೆಯಿಂದ ಜಿಲ್ಲೆಯ ಟೆಂಟ್ಹೌಸ್ ಮಾಲೀಕರ ಈ ವರ್ಷದ ಸಂಪೂರ್ಣ ಆದಾಯ ಪಾತಾಳಕ್ಕಿಳಿದಿದೆ. ಜಾತ್ರೆ, ಉಪನಯನ, ಮದುವೆ ಸೇರಿದಂತೆ ಮತ್ತಿತರೆ ಶುಭ ಸಮಾರಂಭಗಳಿಗೆ ಕೇಂದ್ರ ತೀಲಾಂಜಲಿ ಹೇಳಿದ್ದರಿಂದ ಜಿಲ್ಲೆಯ ನೂರಾರು ಟೆಂಟ್ಹೌಸ್ ಮಾಲೀಕರು, ಡೆಕೋರೇಟಿಂಗ್ ಕೆಲಸಗಳಿಲ್ಲದೆ ಮನೆಯಲ್ಲೇ ಇರುವಂತಾಯಿತು.
ಮದುವೆ, ಶುಭ ಸಮಾರಂಭಗಳಿಗೆ ಬೇಕಾದ ಶಾಮಿಯಾನ, ಕುರ್ಚಿ, ವೇದಿಕೆ ಹೀಗೆ... ಅಗತ್ಯ ವಸ್ತುಗಳ ಪೂರೈಕೆ ಮಾಡಿ ಅದರಿಂದ ಬರುವ ಆದಾಯವನ್ನೇ ನಂಬಿ ಜೀವನ ನಡೆಸುತ್ತಿದ್ದೆವು. ಲಾಕ್ಡೌನ್ ಹೇರಿಕೆಯಿಂದ ನಮ್ಮ ಬದುಕು ಇದೀಗ ಹೇಳತೀರದಾಗಿದೆ. ಸಾಮಾನ್ಯವಾಗಿ ಮಾರ್ಚ್ನಿಂದ ಜೂನ್‌ ವರೆಗೆ ಕಾರ್ಯಕ್ರಮಗಳು ಹೆಚ್ಚಾಗಿರುತ್ತಿದ್ದರಿಂದ ಸಂಪಾದನೆ ಹೆಚ್ಚಾಗುತ್ತಿತ್ತು. ಬದುಕು ನಮ್ಮ ಕೈಯಲ್ಲಿರುತ್ತಿತ್ತು. ಆದರೆ, ಇದೀಗ ದಿಕ್ಕುತೋಚದಂತಾಗಿದೆ. ಕಾರ್ಮಿಕರಿಗೆ ವೇತನ, ಬಾಡಿಗೆ ಸೇರಿದಂತೆ ನಮ್ಮ ಜೀವನ ನಿರ್ವಹಣೆಯೂ ಇದೀಗ ದುಃಸ್ತರವಾಗಿದೆ ಎನ್ನುತ್ತಾರೆ ಟೆಂಟ್ಹೌಸ್ ಮಾಲೀಕ ಶಿವರಾಜ್.
ಟೆಂಟ್ಹೌಸ್ ಮಾಲೀಕರ ಮೇಲೆ ಕೊರೊನಾ ಕರಿಛಾಯೆ ಜಿಲ್ಲೆಯಲ್ಲಿ 400ಕ್ಕೂ ಹೆಚ್ಚು ಟೆಂಟ್ಹೌಸ್ಗಳಿವೆ. ಸರ್ಕಾರವೇನೋ ಅನ್ಲಾಕ್ ಮಾಡಿ ಕೈತೊಳೆದುಕೊಂಡಿತು. ಆದರೆ, ಲಾಕ್ಡೌನ್ ಬಳಿಕ ನಡೆಯಬೇಕಿದ್ದ ಕಾರ್ಯಕ್ರಮಗಳ ಸೀಸನ್ ಮುಗಿದಿದ್ದರಿಂದ ವ್ಯಾಪಾರ ಮಾತ್ರ ಥಂಡಾ ಹೊಡೆದಿವೆ. ಮೂರ್ನಾಲ್ಕು ತಿಂಗಳ ಸೀಜನ್ನಲ್ಲಿ ವರ್ಷದ ಆದಾಯವನ್ನು ತೆಗೆಯುತ್ತಿದ್ದೆವು. ಆದರೆ, ಹೆಮ್ಮಾರಿ ಕೊರೊನಾ ಎಲ್ಲವನ್ನು ಕಸಿದುಕೊಂಡಿದೆ. ಇದರಿಂದ ಶಾಮಿಯಾನ ಹಾಕುವ, ಅಡುಗೆ ಮಾಡುವ, ಡೆಕೋರೇಟಿಂಗ್ ಮಾಡುವ ನೂರಾರು ಕಾರ್ಮಿಕರ ಕೆಲಸವನ್ನು ಕಿತ್ತುಕೊಳ್ಳುವ ಮೂಲಕ ಅವರನ್ನು ಬೀದಿಗೆ ತಳ್ಳಿದೆ. ಹಾಗಾಗಿ ಅಂಗಡಿ ಮಾಲೀಕರ ಹಾಗೂ ಕಾರ್ಮಿಕರ ನೆರವಿಗೆ ಸರ್ಕಾರ ಕೂಡಲೇ ಮುಂದಾಗಬೇಕು ಎನ್ನುತ್ತಾರೆ ಅಡಿಗೆ ಕೆಲಸ ಮಾಡುವವರಾದ ಶ್ರವಣ್ ಕುಮಾರ.
ಟೆಂಟ್ಹೌಸ್ ಮಾಲೀಕರ ಮೇಲೆ ಕೊರೊನಾ ಕರಿಛಾಯೆ ಒಟ್ಟಾರೆ ಮಹಾಮಾರಿ ಕೊರೊನಾದಿಂದ ಸಣ್ಣ-ಪುಟ್ಟ ವ್ಯಾಪಾರಸ್ಥರಿಗೆ ಹೊಡೆತ ಕೊಟ್ಟಂತೆ ಮದುವೆ ಸಮಾರಂಭಗಳನ್ನೇ ನಂಬಿ ಬದುಕುತ್ತಿದ್ದ ಟೆಂಟ್ಹೌಸ್ ಮಾಲೀಕರಿಗೂ ಹೊಡೆತ ಕೊಟ್ಟಿದ್ದು ಸರ್ಕಾರ ಇವರ ಸಂಕಷ್ಟವನ್ನು ಆಲಿಸಲಿ ಅನ್ನೋದು ನಮ್ಮ ಅಭಿಲಾಷೆ.
