ದೇಶವಾಸಿಗಳಿಗೆ ಮೋದಿ ಸುಳ್ಳು ಭರವಸೆಗಳನ್ನು ನೀಡಿ ಮೋಸ ಮಾಡಿದ್ದಾರೆ: ಬಿ.ವಿ ನಾಯಕ್​

ಕಾಂಗ್ರೆಸ್ ಸರ್ಕಾರದ ಅವಧಿಯಲ್ಲಿ ಜನಸಾಮನ್ಯರಿಗೆ ದಿನ ನಿತ್ಯದ ವಸ್ತುಗಳು ಕೈಗೆಟುಕುವ ದರದಲ್ಲಿ ಸಿಗುತಯ್ತಿದ್ದವು. ನಿರುದ್ಯೋಗ ಸಮಸ್ಯೆವನ್ನು ನಿವಾರಣೆ ಮಾಡಲಾಗಿದೆ. ಆದ್ರೆ ಪ್ರಧಾನಿ ಮೋದಿಯವರ ಬಿಜೆಪಿ ಪಕ್ಷವು ಜನಸಾಮನ್ಯರ ಪಕ್ಷವಾಗದೇ ದೇಶದ ಶ್ರೀಮಂತ ಜನರ ಪರವಾಗಿದೆ ಎಂದು ಕಾಂಗ್ರೆಸ್​ ಅಭ್ಯರ್ಥಿ ಬಿ.ವಿ ನಾಯಕ್​ ಆರೋಪಿಸಿದರು.

ಯಾದಗಿರಿ: ಪ್ರಧಾನಿ ಮೋದಿ ಐದು ವರ್ಷದಲ್ಲಿ ದೇಶವಾಸಿಗಳಿಗೆ ಸುಳ್ಳು ಭರವಸೆಗಳನ್ನು ನೀಡಿ ಮೋಸ ಎಸಗಿದ್ದಾರೆ ಎಂದು ರಾಯಚೂರು ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್​ ಅಭ್ಯರ್ಥಿ ಬಿ.ವಿ ನಾಯಕ್​ ತಿಳಿಸಿದ್ದಾರೆ.

ಜಿಲ್ಲೆಯ ಶಹಾಪುರ ವಿಧಾನಸಭಾ ಕ್ಷೇತ್ರದಲ್ಲಿ ಪ್ರಚಾರಕ್ಕೆ ಆಗಮಿಸಿದ್ದ ಬಿ.ವಿ ನಾಯಕ, ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ವಾಗ್ದಾಳಿ ನಡೆಸಿದರು. ದೇಶದ ಪ್ರತಿವೋರ್ವ ನಾಗರಿಕರ ಖಾತೆಗೆ ಬ್ಯಾಂಕ್​ನಿಂದ ಹಣವನ್ನು ನೀಡಲಾಗುವುದು ಎಂದು ಆಶ್ವಾಸನೆ ನೀಡಿ ಜನರ ಖಾತೆಗೆ ಹಣ ನೀಡದೆ ದ್ರೋಹ ಬಗೆದಿದ್ದಾರೆ ಎಂದರು.

ವರ್ಷಕ್ಕೆ ಎರಡು ಕೋಟಿ ಉದ್ಯೋಗವನ್ನು ಸೃಷ್ಟಿಸಿಸುವುದಾಗಿ ಹೇಳಿದ್ದ ಮೋದಿ ದೇಶದಲ್ಲಿ ನಿರುದ್ಯೋಗ ಸೃಷ್ಟಿಸಿದ್ದಾರೆ. ಜನಸಾಮಾನ್ಯರು ದಿನನಿತ್ಯದ ವಸ್ತುಗಳು ಬೆಲೆ ಏರಿಕೆಯಿಂದ ಕಂಗಾಲಾಗಿದ್ದಾರೆ. ಜಿಎಸ್​ಟಿ​ ತೆರಿಗೆ ಜಾರಿಗೆ ತಂದು ಬಡಜನರಿಗೆ ತೊಂದ್ರೆ ನೀಡಿದ್ದಾರೆ ಎಂದು ಬಿ ವಿ ನಾಯಕ್​ ದೂರಿದರು.