ವಿಜಯಪುರ: ಧಾರಾಕಾರವಾಗಿ ಮಳೆ ಸುರಿದ ಪರಿಣಾಮ ಎಂಪಿಎಂಸಿ ಮಾರುಕಟ್ಟೆಯ ಮಳಿಗೆಗಳ ಎದುರಿನ ರಸ್ತೆ ಕೆಸರು ಗದ್ದೆಯಂತಾಗಿದೆ. ಇದರಿಂದ ಸೊಳ್ಳೆಕಾಟ ಹೆಚ್ಚಾಗಿದೆ. ಇಲ್ಲಿಗೆ ಬರುವ ಗ್ರಾಹಕರಿಗೆ ಹಾಗೂ ರೈತರಿಗೆ ಸಾಂಕ್ರಾಮಿಕ ಭೀತಿ ಎದುರಾಗಿದೆ.
ಮಳೆಯಿಂದಾಗಿ ಕೆಸರು ಗದ್ದೆಯಂತಾದ ಎಪಿಎಂಸಿ ಮಾರುಕಟ್ಟೆ
ಜಿಲ್ಲೆಯ ರೈತರ ವ್ಯಾಪಾರ ಕೇಂದ್ರವಾದ ಎಂಪಿಎಂಸಿಯು ಕೊಳಚೆ ಮಿಶ್ರಿತ ನೀರಿನಿಂದ ತುಂಬಿಕೊಂಡಿದೆ. ದುರ್ವಾಸನೆ ಭೀರುತ್ತಿದ್ದು, ತರಕಾರಿ ಮಾರುಕಟ್ಟೆ ಕಡೆ ಹೋಗುವುದು ಕಷ್ಟವಾಗಿದೆ. ಕೊರೊನಾ ಭೀತಿಯ ನಡುವೆ ತರಕಾರಿ ಹಾಗೂ ಹಣ್ಣು ಮಾರಾಟಕ್ಕೆ ಬರುವ ಜನರಿಗೆ ಸಾಂಕ್ರಾಮಿಕ ರೋಗಗಳ ಭೀತಿ ಉಂಟಾಗಿದೆ.