ವಿಜಯಪುರದಲ್ಲಿ ಲಾಕ್​ಡೌನ್​ಗೆ ಸ್ಪಂದಿಸದ ಬೀದಿ ಬದಿ ತರಕಾರಿ ಪ್ಯಾಪಾರಿಗಳು

ತರಕಾರಿ ಬೀದಿ ಪ್ಯಾಪಾರಿಗಳು ಸರ್ಕಾರದ ಲಾಕ್​ಡೌನ್​ ಆದೇಶವನ್ನು ಗಾಳಿಗೆ ತೂರಿದ್ದಾರೆ. ಬೀದಿ ಬದಿ ತರಕಾರಿ ವ್ಯಾಪಾರಿಗಳು ಎಂದಿನಂತೆ ತಮ್ಮ ವಹಿವಾಟನ್ನು ಮುಂದುವರಿಸಿದ್ದಾರೆ.

ವಿಜಯಪುರ: ತರಕಾರಿ ಮಾರುವ ಬೀದಿ ಬದಿ ಪ್ಯಾಪಾರಿಗಳು ಸರ್ಕಾರದ ಲಾಕ್​ಡೌನ್​ ಆದೇಶವನ್ನು ಗಾಳಿಗೆ ತೂರಿದ್ದಾರೆ.

ರಾಜ್ಯ ಸರ್ಕಾರ ಕೊರೊನಾ ಎಮರ್ಜೆನ್ಸಿ ಹಿನ್ನಲೆ ಮಾರ್ಚ್ 31 ವರೆಗೆ ಯಾವುದೇ ಮಾರುಕಟ್ಟೆ ನಡೆಯದಂತೆ ಲಾಕ್​ಡೌನ್​ ಘೋಷಣೆ ಮಾಡಿದೆ. ಜಿಲ್ಲೆಯಲ್ಲಿ ನಿನ್ನೆಯಿಂದ 144 ಸೆಕ್ಷನ್ ಜಾರಿ ಮಾಡಿದರೂ ಸಹ ತರಕಾರಿ ಪ್ಯಾಪಾರಿಗಳು, ಬೀದಿ ವ್ಯಾಪಾರಿಗಳು ಮಾತ್ರ ತಮಗೂ ಇದಕ್ಕೂ ಯಾವುದೇ ಸಂಬಂಧವೇ ಇಲ್ಲದಂತೆ ರಾಜಾರೋಷವಾಗಿ ತರಕಾರಿ ವ್ಯಾಪಾರದಲ್ಲಿ ತೊಡಗಿಸಿಕೊಂಡಿದ್ದರು.‌

ಬಳಿಕ ಸ್ಥಳಕ್ಕಾಗಮಿಸಿದ ಗಾಂಧಿ ಚೌಕ್​ ಠಾಣೆ ಪೊಲೀಸರು, ತರಕಾರಿ ಮಾರುಕಟ್ಟೆಯನ್ನು ತೆರವುಗೊಳಿಸಿದ್ದಾರೆ.