ವಿಜಯಪುರ: ಕೊರೊನಾ ಹಾವಳಿ ಕಡಿಮೆ ಇರುವ ಪ್ರದೇಶವನ್ನು ಕಂಟೈನ್ಮೆಂಟ್​​ ಮುಕ್ತ ಮಾಡುವಂತೆ ಮನವಿ

ವಿಜಯಪುರ ನಗರದಲ್ಲಿ ಕೊರೊನಾ ಹಾವಳಿ ಕಡಿಮೆ ಇರುವ ಪ್ರದೇಶಗಳನ್ನು ಕಂಟೈನ್​ಮೆಂಟ್​ ಮುಕ್ತವಾಗಿಸಬೇಕೆಂದು ಸಾರ್ವಜನಿಕರು ಡಿಸಿಗೆ ಮನವಿ ಸಲ್ಲಿಸಿದರು.

ವಿಜಯಪುರ: ಕೊರೊನಾ ಸೋಂಕು ಕಂಡು ಬರದ ಪ್ರದೇಶಗಳನ್ನು ಕಂಟೈನ್​ಮೆಂಟ್​ ಜೋನ್‌ನಿಂದ ಮುಕ್ತವಾಗಿಸುವಂತೆ ನಾಗರಿಕರು ಜಿಲ್ಲಾಧಿಕಾರಿಗೆ ಮನವಿ ಸಲ್ಲಿಸಿದರು.

ಕೊರೊನಾ ವೈರಸ್​ಗೆ ವಿಜಯಪುರ ನಗರವೇ ತತ್ತರಿಸಿದ್ದು, ಜಿಲ್ಲಾಡಳಿತ ಮುಂಜಾಗ್ರತಾ ಕ್ರಮವಾಗಿ ಹಲವು ಬಡವಾಣೆಗಳನ್ನು ಕಂಟೈನ್​ಮೆಂಟ್​ ಝೋನ್​ ಎಂದು ಘೋಷಿಸಿತ್ತು. ಇನ್ನೂ ಕಂಟೈನ್ಮೆಂಟ್​ ಝೋನ್‌ಗಳಲ್ಲಿ ಕೊರೊನಾ ಹಾವಳಿಯಿಲ್ಲದ ಪ್ರದೇಶಗಳನ್ನ ಕಂಟೈನ್ಮೆಂಟ್​​ ನಿಂದ ಮುಕ್ತಗೊಳಿಸುವಂತೆ ಮನವರಿಕೆ ಮಾಡಿದರು.

ಇನ್ನೂ ಕಂಟೈನ್​ಮೆಂಟ್ ಝೋನ್‌ಗಳಲ್ಲಿ ಬೀದಿ ವ್ಯಾಪಾರ, ಅಂಗಡಿ ಮುಂಗಟ್ಟು ನಂಬಿಕೊಂಡು ಜೀವನ ನಡೆಸುತ್ತಿದ್ದ ಜನರಿಗೆ ತೀವ್ರ ತೊಂದರೆ ಉಂಟಾಗುತ್ತಿದೆ. ಅಲ್ಲದೇ ಇತರೆ ಕಾಯಿಲೆಯಿಂದ ಬಳಲುತ್ತಿರುವ ರೋಗಿಗಳಿಗೆ ಆಸ್ಪತ್ರೆ ಹೋಗಲಾಗುತ್ತಿಲ್ಲ. ಹೀಗಾಗಿ ಕೊರೊನಾ ಸೋಂಕು ಹಿಡಿತಕ್ಕೆ ಬಂದ ಪ್ರದೇಶಗಳನ್ನ ಕಂಟೈನ್​ಮೆಂಟ್​ನಿಂದ ಮುಕ್ತ ಮಾಡುವಂತೆ ವಿಜಯಪುರ ನಗರದ ನಿವಾಸಿಗಳು ಜಿಲ್ಲಾಧಿಕಾರಿಗೆ ಮನವಿ ಸಲ್ಲಿಸಿದರು.