SHOCKING NEWS: ವಿಜಯಪುರದಲ್ಲಿ ಸಿಡಿಲು ಬಡಿದು ಮೂವರು ದುರ್ಮರಣ

19:46 May 05

ಸಿಡಿಲು ಬಡಿದು ಮೂವರು ಸಾವು

ವಿಜಯಪುರ: ಗುಡುಗು ಸಹಿತ ಮಳೆಯಾಗುತ್ತಿದ್ದ ಕಾರಣ ರಸ್ತೆ ಪಕ್ಕದಲ್ಲಿನ ಮರದ ಕೆಳಗೆ ನಿಂತಿದ್ದ ಮೂವರಿಗೆ ಸಿಡಿಲು ಬಡಿದು ಸಾವನ್ನಪ್ಪಿದ್ದು, ಓರ್ವ ಗಾಯಗೊಂಡಿದ್ದಾನೆ.   

ಬುಧವಾರ ಸಂಜೆ ವಿಜಯಪುರದಲ್ಲಿ ಈ ಘಟನೆ ನಡೆದಿದ್ದು, ನಾಲ್ಕು ಮರಿಗಳು ಸಹ ಬಲಿಯಾಗಿವೆ ಎಂದು ತಿಳಿದು ಬಂದಿದೆ. ನಗರದ ಅಘಜಲಪುರ ಟೆಕ್ಕೆ ಹತ್ತಿರ ಈ ದುರ್ಘಟನೆ ನಡೆದಿದೆ.  

ಮೃತ ಕುರಿಗಾಹಿಗಳನ್ನ ಅಶೋಕ್​ ರಾಮು ಕಾರಜೋಳ(48) ಬಾಷಾ ಕರ್ಜಗಿ(40) ಹಾಗೂ ಜಾವೇದ ಹದಹಳ್ಳಿ ಜಾಲಗೇರಿ(33)ಎಂದು ಗುರುತಿಸಲಾಗಿದೆ. ಪ್ರಕರಣದಲ್ಲಿ ಇನ್ನೊಬ್ಬನಿಗೆ ಗಾಯಗಳಾಗಿವೆ ಎಂದು ವರದಿಯಾಗಿದೆ. ಆತನನ್ನ ಸರ್ಕಾರಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.  ಈ ಕುರಿತು ವಿಜಯಪುರ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸ್ಮಾರಕಕ್ಕೆ ಧಕ್ಕೆ:ಟಕ್ಕೆ ಬಳಿ ಅನಾಥವಾಗಿರುವ ಆದಿಲ್ ಶಾಹಿಯ ಸ್ಮಾರಕ ಮಹಮ್ಮದ್ ಮಸಜೀದ್​ಗೆ ಸಿಡಿಲು ಬಡಿದ ಪರಿಣಾಮ ಧಕ್ಕೆ ಉಂಟಾಗಿದೆ.‌ ಸ್ಮಾರಕಗಳ ಸರಿಯಾದ ನಿರ್ವಹಣೆ ಇಲ್ಲದೇ ಸಿಡಿಲು ಬಡೆದು ಅದು ತನ್ನ ಅಂದ ಕಳೆದುಕೊಳ್ಳುತ್ತಿದೆ.