ಮಾಸ್ಕ್ ಹಾಕದ ವ್ಯಕ್ತಿಗೆ ಟಾವೆಲ್ ಅನ್ನೇ ಮಾಸ್ಕ್​ ಮಾಡಿ ಕಟ್ಟಿದ ಶಾಸಕ - ವಿಡಿಯೋ

ಮಾಸ್ಕ್ ಡೇ ಅಂಗವಾಗಿ ಜಾಗೃತಿ ಜಾಥಾ ನಡೆಸುವ ವೇಳೆ ಮುದ್ದೇಬಿಹಾಳ ಶಾಸಕ ಎ. ಎಸ್. ಪಾಟೀಲ ನಡಹಳ್ಳಿ ಅವರು, ಮಾಸ್ಕ್ ಧರಿಸದೇ ಸಂಚರಿಸುತ್ತಿದ್ದ ವ್ಯಕ್ತಿಯೋರ್ವನಿಗೆ ಟಾವೆಲನ್ನೇ ಮಾಸ್ಕ್ ನಂತೆ ಕಟ್ಟುವ ಮೂಲಕ ಅರಿವು ಮೂಡಿಸಿದ್ದಾರೆ.

ಮುದ್ದೇಬಿಹಾಳ(ವಿಜಯಪುರ): ಮಾಸ್ಕ್ ಡೇ ಅಂಗವಾಗಿ ಜಾಗೃತಿ ಜಾಥಾ ನಡೆಸುವ ವೇಳೆ ಮುದ್ದೇಬಿಹಾಳ ಶಾಸಕ ಎ. ಎಸ್. ಪಾಟೀಲ ನಡಹಳ್ಳಿ ಅವರು ವ್ಯಕ್ತಿ ಮುಖಕ್ಕೆ ಟಾವೆಲ್​ ಕಟ್ಟಿದ್ದಾರೆ. ಮಾಸ್ಕ್ ಧರಿಸದೇ ಸಂಚರಿಸುತ್ತಿದ್ದ ವ್ಯಕ್ತಿ ಕಂಡು ಆತ ಹಾಕಿದ್ದ ಟಾವೆಲನ್ನೇ ಮಾಸ್ಕ್ ನಂತೆ ಮುಖಕ್ಕೆ ಕಟ್ಟುವ ಮೂಲಕ ಅರಿವು ಮೂಡಿಸಿದ್ದಾರೆ.

ತಾಲೂಕಾಡಳಿತದಿಂದ ಮಾಸ್ಕ್ ಡೇ ಅಂಗವಾಗಿ ಪುರಸಭೆ ನೇತೃತ್ವದಲ್ಲಿ ಪಟ್ಟಣದ ಮುಖ್ಯರಸ್ತೆಯಲ್ಲಿ ಜಾಥಾ ಹಮ್ಮಿಕೊಳ್ಳಲಾಗಿತ್ತು. ಈ ವೇಳೆ ಸಂತೆಗೆಂದು ಆಗಮಿಸಿದ್ದ ಗ್ರಾಮೀಣ ಪ್ರದೇಶದ ವ್ಯಕ್ತಿಯೊಬ್ಬ ಮಾಸ್ಕ್ ಹಾಕದೆ ಹೋಗುತ್ತಿದ್ದನ್ನು ಶಾಸಕರು ಕಂಡರು. ಆ ವ್ಯಕ್ತಿಯ ಕೊರಳಲ್ಲಿ ಸುತ್ತಿದ್ದ ಟಾವೆಲ್ ಅನ್ನೇ ಮಾಸ್ಕ್ ನಂತೆ ಸುತ್ತಿ ಜಾಗೃತಿ ಮೂಡಿಸಿರುವ ವಿಡಿಯೋ ವೈರಲ್ ಆಗಿದೆ.