ವಿಜಯಪುರದಲ್ಲಿ ಹೊತ್ತಿದ ಪೌರತ್ವದ ಕಿಚ್ಚು: ಬೃಹತ್​​​ ಪ್ರತಿಭಟನೆ

ವಿಜಯಪುರ ನಗರದ ವೈದ್ಯರು ಹಾಗೂ ವೈದ್ಯಕೀಯ ವಿದ್ಯಾರ್ಥಿಗಳು ಪೌರತ್ವ ಕಾಯ್ದೆ ಹಾಗೂ ಎನ್​​​​​ಆರ್ ಸಿ ವಿರುದ್ಧ ಪ್ರತಿಭಟನೆ ನಡೆಸಿದರು. ಸಿಎಬಿ ಹಾಗೂ ಎನ್‌ಆರ್​​​​ಸಿ ಕಾಯ್ದೆ ದೇಶದ ಜನರ ಭಾವನೆಗಳಿಗೆ ಧಕ್ಕೆ ಉಂಟು ಮಾಡುತ್ತಿದೆ ಎಂದರು.

ವಿಜಯಪುರ: ಪೌರತ್ವ ಕಾಯ್ದೆ ಹಾಗೂ ಎನ್​​​​​​ಆರ್​​​ಸಿ ದೇಶದ ವಾಸಿಗಳಿ ಮಾರಕವಾಗಿದೆ ಎಂದು ವಿರೋಧಿಸಿ ವಿಜಯಪುರ ನಗರದ ವೈದ್ಯರು ಹಾಗೂ ವೈದ್ಯಕೀಯ ವಿದ್ಯಾರ್ಥಿಗಳಿಂದ ಪ್ರತಿಭಟನೆ ನಡೆಸಲಾಯಿತು‌.

ಎನ್‌ಡಿಎ ನೇತೃತ್ವದ ಮೋದಿ ಸರ್ಕಾರ ದೇಶ ವಿರೋಧಿ ಕಾಯಿದೆಗಳನ್ನು ಜಾರಿ ಮಾಡುತ್ತಿದೆ. ಸಿಎಬಿ ಹಾಗೂ ಎನ್‌ಆರ್ ಸಿ ಕಾಯ್ದೆ ದೇಶದ ಜನರ ಭಾವನೆಗಳಿಗೆ ಧಕ್ಕೆ ಉಂಟು ಮಾಡುತ್ತಿದೆ. ವರ್ಷಕ್ಕೆ 2 ಕೋಟಿ ಯುವ ಜನತೆಗೆ ಉದ್ಯೋಗ ನೀಡುವ ಭರವಸೆಯನ್ನು ಕೇಂದ್ರ ಸರ್ಕಾರ ನೀಡುತ್ತ ಬಂದಿತ್ತು. ಬಿಜೆಪಿ ಸರ್ಕಾರ ಎರಡು ಅವಧಿ ಅಧಿಕಾರದಲ್ಲಿ ಇದ್ರು‌ ಇದುವರೆಗೂ ಯಾವುದೇ ದೇಶದ ಯುವಕರಿಗೆ ಉದ್ಯೋಗ ನೀಡಲು ಮುಂದಾಗಿಲ್ಲ ಎಂದು ಪ್ರತಿಭಟನಾಕಾರರು ಕೇಂದ್ರ ಬಿಜೆಪಿ‌ ಸರ್ಕಾರದ ವಿರುದ್ಧ ಹರಿಹಾಯ್ದರು.

ಪೌರತ್ವ ಕಾಯ್ದೆಯಿಂದ ದೇಶದ ಅನೇಕ ಜನರಿಗೆ ತೊಂದರೆಯಾಗುತ್ತಿದೆ. ಪೌರತ್ವ ಕಾಯ್ದೆ ವಿರೋಧಿಸಿ ದೇಶದಲ್ಲಿ ಪ್ರತಿಭಟನೆಗಳು ನಡೆಯುತ್ತಿದ್ದರೂ ಕೇಂದ್ರ ಸರ್ಕಾರ ಇದನ್ನು ತಡೆಯುವ ಪ್ರಯತ್ನಿಸುತ್ತಿಲ್ಲ ಎಂದು ಪ್ರತಿಭಟನಾ ನಿರತ ವೈದ್ಯರು ಕಳವಳ ವ್ಯಕ್ತಪಡಿಸಿದರು.

ನಗರದ ಅಂಬೇಡ್ಕರ್ ವೃತ್ತದಿಂದ ಪಾದಯಾತ್ರೆ ಕೈಗೊಂಡ ವೈದ್ಯರು ಸಿಎಬಿ ಕಾಯಿದೆ ವಿರೋಧಿ ಸಂದೇಶ ಫಲಕಗಳನ್ನು ಹಿಡಿದು ಜಿಲ್ಲಾಧಿಕಾರಿ ಕಚೇರಿವರಿಗೂ ಸಾಗಿ‌, ಕೇಂದ್ರ ಸರ್ಕಾರದ ಪೌರತ್ವ ಕಾಯ್ದೆ ದೇಶ ವಿರೋಧಿಯಾಗಿದೆ. ತಕ್ಷಣವೇ ಪೌರತ್ವ ಕಾಯಿದೆ ರದ್ದು ಪಡಿಸುವಂತೆ ಒತ್ತಾಯಿಸಿ ಹೆಚ್ಚುವರಿ ಜಿಲ್ಲಾಧಿಕಾರಿ ಎಚ್ ಪ್ರಸನ್ನ ಮೂಲಕ ಕೇಂದ್ರ ಸರ್ಕಾರಕ್ಕೆ ಮನವಿ ಸಲ್ಲಿಸಿದರು.