ಮುದ್ದೇಬಿಹಾಳ ಮಹಿಳಾ ಪಿಎಸ್​ಐ ವೈರಲ್ ಆಡಿಯೋ ​ಬಗ್ಗೆ ತನಿಖೆಗೆ ಆದೇಶ : ಎಸ್​​ಪಿ

ಆಡಿಯೋ ಕುರಿತಂತೆ ಹೆಚ್ಚುವರಿ ಎಸ್​​ಪಿ ಡಾ. ರಾಮ ಅರಸಿದ್ದಿ ನೇತೃತ್ವದಲ್ಲಿ ತನಿಖೆ ನಡೆಸಲಾಗುತ್ತಿದೆ. ಸಂಬಂಧಪಟ್ಟ ವ್ಯಕ್ತಿಗಳನ್ನು ವಿಚಾರಣೆಗೆ ಒಳಪಡಿಸಲಾಗುವುದು.‌ ಆಡಿಯೋದಲ್ಲಿ ಮಾತನಾಡಿರುವುದು ಮುದ್ದೇಬಿಹಾಳ ಪಿಎಸ್​​ಐ ರೇಣುಕಾ ಜಕನೂರ ಅವರೇ ಎಂಬುದು ಸಾಬೀತಾದರೆ ಕಾನೂನು ಕ್ರಮ ಕೈಗೊಳ್ಳಲಾಗುವುದು..

ವಿಜಯಪುರ :ಚುನಾವಣೆ ಸಂದರ್ಭದಲ್ಲಿ ಮುದ್ದೇಬಿಹಾಳ ಠಾಣೆ ಮಹಿಳಾ ಪಿಎಸ್​ಐವೊಬ್ಬರು ವ್ಯಕ್ತಿಯೊಂದಿಗೆ ಮಾತನಾಡಿದ್ದಾರೆ ಎನ್ನಲಾದ ಆಡಿಯೋವೊಂದು ಭಾರಿ ವೈರಲ್​ ವಿಚಾರದ ಸತ್ಯಾಸತ್ಯತೆ ತಿಳಿಯುವ ಸಂಬಂಧ ತನಿಖೆಗೆ ಆದೇಶಿಸಲಾಗಿದೆ ಎಂದು ಎಸ್​​ಪಿ ಆನಂದಕುಮಾರ್​​ ತಿಳಿಸಿದ್ದಾರೆ.

ನಾಲತವಾಡ ಪಟ್ಟಣ ಪಂಚಾಯತ್​ ಚುನಾವಣೆ ವೇಳೆ ಪಕ್ಷವೊಂದರ ಅಭ್ಯರ್ಥಿಯ ಪರವಾಗಿ ಮುದ್ದೇಬಿಹಾಳ ಪಿಎಸ್​ಐ ರೇಣುಕಾ ಜಕನೂರ ಅವರು ಕೆಲಸ ಮಾಡಿದ್ದಾರೆ ಎಂಬ ಆರೋಪ ಕೇಳಿ ಬಂದಿತ್ತು. ಈ ಸಂಬಂಧ ತಾನು ಮುದ್ದೇಬಿಹಾಳದ ಪಿಎಸ್​ಐ ಎಂದು ಹೇಳಿಕೊಂಡು ವ್ಯಕ್ತಿಯೊಂದಿಗೆ ಮಾತನಾಡಿದ್ದ ಫೋನ್​ ಸಂಭಾಷಣೆಯ ಆಡಿಯೋ ವೈರಲ್​ ಆಗಿತ್ತು.

ಜಾಹೀರಾತು: ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ

ಈ ಬಗ್ಗೆ ವಿಜಯಪುರದಲ್ಲಿ ಮಾಧ್ಯಮದವರಿಗೆ ಪ್ರತಿಕ್ರಿಯೆ ನೀಡಿದ ಎಸ್​​ಪಿ, ಆಡಿಯೋ ಕುರಿತಂತೆ ಹೆಚ್ಚುವರಿ ಎಸ್​​ಪಿ ಡಾ. ರಾಮ ಅರಸಿದ್ದಿ ನೇತೃತ್ವದಲ್ಲಿ ತನಿಖೆ ನಡೆಸಲಾಗುತ್ತಿದೆ. ಸಂಬಂಧಪಟ್ಟ ವ್ಯಕ್ತಿಗಳನ್ನು ವಿಚಾರಣೆಗೆ ಒಳಪಡಿಸಲಾಗುವುದು.‌

ಆಡಿಯೋದಲ್ಲಿ ಮಾತನಾಡಿರುವುದು ಮುದ್ದೇಬಿಹಾಳ ಪಿಎಸ್​​ಐ ರೇಣುಕಾ ಜಕನೂರ ಅವರೇ ಎಂಬುದು ಸಾಬೀತಾದರೆ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ:ಮುದ್ದೇಬಿಹಾಳ ಮಹಿಳಾ ಪಿಎಸ್​ಐರದ್ದು ಎನ್ನಲಾದ ಆಡಿಯೋ ವೈರಲ್​..

ವೈರಲ್ ಆಡಿಯೋ ಬಗ್ಗೆ ಶನಿವಾರ 'ಈಟಿವಿ ಭಾರತ' ಪ್ರತಿನಿಧಿಗೆ ಪ್ರತಿಕ್ರಿಯೆ ನೀಡಿದ್ದ ​ಪಿಎಸ್​ಐ ರೇಣುಕಾ ಜಕನೂರ, 'ತಮಗೆ ಯಾವ ಆಡಿಯೋ ಬಗ್ಗೆಯೂ ತಿಳಿದಿಲ್ಲ. ಯಾರ ಜೊತೆಗೂ ಕೂಡ ನಾನು ಮಾತನಾಡಿಲ್ಲ. ಚುನಾವಣೆಯಲ್ಲಿ ಭದ್ರತೆ ಒದಗಿಸುವ ಕರ್ತವ್ಯ ಮಾತ್ರ ನಮ್ಮದಾಗಿದೆ. ಅದನ್ನು ಬಿಟ್ಟು ನಾವೇನು ಮಾಡಿಲ್ಲ' ಎಂದು ಸ್ಪಷ್ಟಪಡಿಸಿದ್ದರು.

ಇದನ್ನೂ ಓದಿ:ಚೀಟಿ ಹೆಸರಲ್ಲಿ ಅಣ್ಣ-ತಮ್ಮರಿಂದ ಕೋಟ್ಯಂತರ ರೂಪಾಯಿ ದೋಖಾ!?