ವ್ಯಾಪಾರವಿಲ್ಲದೆ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ ಸಸಿ ಮಾರಾಟಗಾರರು

ಲಾಕ್​​ಡೌನ್​ನಿಂದ ವ್ಯಾಪಾರವಿಲ್ಲದೆ ಸಸಿ ಮಾರಾಟಗಾರರು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದಾರೆ.

ವಿಜಯಪುರ:ಪರಿಸರ ದಿನ ಆಚರಣೆ ಮಾಡುತ್ತಿರುವ ಈ ಸಂದರ್ಭದಲ್ಲಿ ಪರಿಸರ ಸಂರಕ್ಷಣೆಗೆ ಪರೋಕ್ಷವಾಗಿ ಕೊಡುಗೆ ನೀಡುವ ಸಸಿ ಮಾರಾಟಗಾರರ ಬದುಕು ಮಾತ್ರ ಸಂಕಷ್ಟಕ್ಕೆ ಸಿಲುಕಿದೆ.

ಹೌದು, ಕೋವಿಡ್ ಲಾಕ್​​ಡೌನ್​ನಿಂದ ಜನ ಸಂಚಾರವಿಲ್ಲದೆ ಬೀದಿ ಬದಿಗಳಲ್ಲಿ ವಿವಿಧ ತಳಿಯ ಸಸಿಗಳನ್ನು ಮಾರಾಟ ಮಾಡಿ ಜೀವನ ನಡೆಸುವ ಜನರು ತೀವ್ರ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದಾರೆ.

ವಿಜಯಪುರ ನಗರದ ಸ್ಟೇಶನ್ ರಸ್ತೆಯಲ್ಲಿ ಆಂಧ್ರ ಪ್ರದೇಶ ಮೂಲದ 5-6 ಕುಟುಂಬಗಳು ಸಸಿಗಳನ್ನು ಮಾರಾಟ ಮಾಡಿ ಬದುಕು ಸಾಗಿಸುತ್ತಿವೆ. ಆದರೆ, ಕೋವಿಡ್ ಲಾಕ್​​ಡೌನ್​ನಿಂದ ಇವರ ಸಸಿಗಳನ್ನು ಕೊಳ್ಳುವವರೇ ಇಲ್ಲದಂತಾಗಿದೆ. ಮಳೆಗಾಲ ಆಗಮಿಸಿದ್ದರಿಂದ ಸಸಿಗಳ ಮಾರಾಟಗಾರರಿಗೆ ಒಳ್ಳೆಯ ಸಂಪಾದನೆ ಆಗಬೇಕಿತ್ತು. ಆದರೆ ಲಾಕ್​​​ಡೌನ್​ನಿಂದ ಎಲ್ಲವೂ ಬಂದ್ ಆಗಿ, ಇವರ ಸಂಪಾದನೆಗೆ ಹೊಡೆತ ಬಿದ್ದಿದೆ. ಕೇರಳ, ತಮಿಳುನಾಡಿನಿಂದ ಸಸಿಗಳನ್ನು ತಂದು ಮಾರಾಟಕ್ಕಿಟ್ಟ ಈ ಕುಟುಂಬಗಳು ಊಟಕ್ಕೂ ಪರದಾಡುವಂತಾಗಿದೆ.