ತುಮಕೂರು-ವಿಜಯಪುರದಲ್ಲೂ ಜೇಮ್ಸ್​ ಜಾತ್ರೆ: ಅಭಿಮಾನಿಗಳಿಂದ ಸಂಭ್ರಮ

ರಾಜ್ಯಾದ್ಯಂತ ಪುನೀತ್​ ಅಭಿನಯದ ಜೇಮ್ಸ್​ ಸಿನಿಮಾ ಬಿಡುಗಡೆಯಾಗಿ ಅದ್ಧೂರಿಯಾಗಿ ಪ್ರದರ್ಶನ ಕಾಣುತ್ತಿದೆ. ಅಪ್ಪು ಅಭಿಮಾನಿಗಳು ಜಾತ್ರೆಯ ರೀತಿಯಲ್ಲಿ ಸಂಭ್ರಮಿಸುತ್ತಿದ್ದು, ತುಮಕೂರು ಮತ್ತು ವಿಜಯಪುರದಲ್ಲಿ ಆಚರಣೆ ಜೋರಾಗಿತ್ತು.

ತುಮಕೂರು:ಪುನೀತ್ ರಾಜಕುಮಾರ್ ಕೊನೆ ಸಿನಿಮಾ ಜೇಮ್ಸ್​ ಎಲ್ಲೆಡೆ ಅದ್ಧೂರಿಯಾಗಿ ರಿಲೀಸ್​ ಆಗಿದ್ದು, ಅಪ್ಪು ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ.

ನಗರದ ವಿವಿಧ ಚಿತ್ರಮಂದಿರಗಳ ಆವರಣದಲ್ಲಿ ಪುನೀತ್​​ ಕಟೌಟ್​​ಗಳು ರಾರಾಜಿಸುತ್ತಿದ್ದು, ಅಭಿಮಾನಿಗಳು ಪಟಾಕಿ ಸಿಡಿಸಿ, ಕೇಸ್​ ಕತ್ತರಿಸಿ ಗೌರವಿಸಿದರು. ಇದೇ ವೇಳೆ ತಿಪಟೂರಿನಲ್ಲಿ ಪುಟ್ಟ ಬಾಲಕನಿಗೆ ಜೇಮ್ಸ್ ಚಿತ್ರದಲ್ಲಿ ಪುನೀತ್ ತೊಟ್ಟಿರುವ ಉಡುಗೆಯ ರೀತಿಯ ಉಡುಪನ್ನು ಹಾಕಿಸಿ ಮೆರವಣಿಗೆ ಮಾಡಲಾಯಿತು.ಇನ್ನೊಂದೆಡೆ ತುಮಕೂರು ನಗರದ ವಿವಿಧೆಡೆ ಪುನೀತ್ ರಾಜಕುಮಾರ್ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಉಚಿತ ದಾಸೋಹದ ವ್ಯವಸ್ಥೆಯನ್ನು ಮಾಡಲಾಗಿತ್ತು.

ವಿಜಯಪುರದಲ್ಲೂ ಜೇಮ್ಸ್​ ಜಾತ್ರೆ:

ವಿಜಯನಗರದಲ್ಲಿ ಜೇಮ್ಸ್​​ ಸಿನಿಮಾವನ್ನು ಅಭಿಮಾನಿಗಳು ಭರ್ಜರಿಯಾಗಿ ಬರಮಾಡಿಕೊಂಡಿದ್ದು, ಅಭಿಮಾನಿಗಳಲ್ಲಿ ಸಂಭ್ರಮ ಮನೆ ಮಾಡಿದೆ. ನಗರದ ಡ್ರೀಮ್​​ಲ್ಯಾಂಡ್ ಹಾಗೂ ಲಕ್ಷ್ಮಿ ಚಿತ್ರಮಂದಿರಗಳ ಆವರಣಗಳಲ್ಲಿ ಅಪ್ಪು ಅಭಿಮಾನಿಗಳು ಪಟಾಕಿ ಸಿಡಿಸಿ, ಸಿಹಿ ಹಂಚಿದರು. ಇದೇ ವೇಳೆ ರಕ್ತದಾನ, ನೇತ್ರದಾನ ಶಿಬಿರ ಆಯೋಜಿಸಲಾಗಿತ್ತು.