ವರ ಮಹಾಲಕ್ಷ್ಮಿ ಪೂಜೆಗೆ ಅಗತ್ಯ ಸಾಮಗ್ರಿಗಳ ಖರೀದಿಗೆ ಮುಗಿಬಿದ್ದ ಜನರು!

ಸಂಜೆಯಾಗುತ್ತಿದ್ದಂತೆ ಸಾರ್ವಜನಿಕರು ವರ ಮಹಾಲಕ್ಷ್ಮಿ ಪೂಜೆಗೆ ಅಗತ್ಯ ಸಾಮಗ್ರಿಗಳ ಖರೀದಿಗೆ ವಿಜಯಪುರದ ಎಲ್‌ಬಿಎಸ್ ಮಾರುಕಟ್ಟೆಯಲ್ಲಿ ಮುಗಿ ಬಿದ್ದ ದೃಶ ಕಂಡು ಬಂತು.

ವಿಜಯಪುರ: ವರ ಮಹಾಲಕ್ಷ್ಮಿ ಪೂಜೆಗೆ ಅಗತ್ಯ ಸಾಮಗ್ರಿಗಳ ಖರೀದಿಗೆ ಗುಮ್ಮಟನಗರಿಯ ಜನರು ಮುಗಿಬಿದ್ದಿದ್ದು, ಸಂಜೆಯಾಗುತ್ತಿದ್ದಂತೆ ಎಲ್‌ಬಿಎಸ್ ಮಾರುಕಟ್ಟೆ ಜನ ಸಂದಣಿಯಿಂದ ತುಂಬಿ ತುಳಕುತ್ತಿದ್ದ ದೃಶ್ಯ ಕಂಡು ಬಂದಿತು.

ಹೂವು-ಹಣ್ಣು, ಬಾಳೆ ಎಲೆ ಸೇರಿದಂತೆ ಇತರ ಅಗತ್ಯ ವಸ್ತುಗಳು ದುಬಾರಿಯಾಗಿದ್ದು, ಕಳೆದ ವಾರ ಕೆ.ಜಿಗೆ 140 ರೂ. ಇದ್ದ ಸೇಬು ಹಣ್ಣಿನ ಬೆಲೆ ಇದೀಗ 250 ರೂಪಾಯಿಯಾಗಿದೆ. ಡಜನ್​ಗೆ 30 ರೂ. ಇದ್ದ ಬಾಳೆಹಣ್ಣು, 60 ರೂಪಾಯಿಯಾಗಿದೆ. ಇತ್ತ ಒಂದು ಹೂವಿನ ಹಾರಕ್ಕೆ 60 ರೂ. ಬೆಲೆ ಏರಿಕೆಯಾಗಿದೆ. ಸಂಜೆಯಾಗುತ್ತಿದ್ದಂತೆ ಸಾರ್ವಜನಿಕರು ವರ ಮಹಾಲಕ್ಷ್ಮಿ ಹಬ್ಬದ ಖರೀದಿಗೆ ಮುಗಿಬಿದ್ದರು.

ನಗರದ ಗಾಂಧಿ ವೃತ್ತದಿಂದ ಸಿದ್ದೇಶ್ವರ ಮಂದಿರವರಿಗೂ ರಸ್ತೆಯ ಮೇಲೆ ಜನರು ಜಮಾವಣೆಗೊಂಡಿದ್ದು, ಮಾಸ್ಕ್​, ಸಾಮಾಜಿಕ ಅಂತರ ಕಾಪಾಡಿಕೊಳ್ಳದೆ ವ್ಯಾಪಾರ ವಹಿವಾಟಿನಲ್ಲಿ ತೊಡಗಿದ್ದಾರೆ‌‌.