ಮುದ್ದೇಬಿಹಾಳ ಶಾಸಕ‌ ಎ.ಎಸ್. ಪಾಟೀಲ್ ಸಂಬಂಧಿಕರಿದ್ದ ಕಾರು ಪಲ್ಟಿ

ಮುದ್ದೇಬಿಹಾಳ ಶಾಸಕರ ಸಂಬಂಧಕರಿದ್ದ ಕಾರು ತಾಲೂಕಿನ ಬುದ್ನಿ ಕ್ರಾಸ್ ಬಳಿ ಅಪಘಾತಕ್ಕೀಡಾಗಿದೆ.

ವಿಜಯಪುರ : ಸೋಮವಾರ ಮುದ್ದೇಬಿಹಾಳ ಶಾಸಕ‌ ಎ.ಎಸ್. ಪಾಟೀಲ್ ನಡಹಳ್ಳಿಯವರ ಸಂಬಂಧಿಕರು ಸಂಚರಿಸುತ್ತಿದ್ದ ಕಾರು ಪಲ್ಟಿಯಾಗಿದೆ. ಅದೃಷ್ಟವಶಾತ್​ ಮಗು‌ ಸೇರಿದಂತೆ ಐವರು ಅಪಾಯದಿಂದ ಪಾರಾಗಿದ್ದಾರೆ.

ಮುದ್ದೇಬಿಹಾಳ ತಾಲೂಕಿನ ನಡಹಳ್ಳಿ ಗ್ರಾಮಕ್ಕೆ ಹೊರಟಿದ್ದ ಕಾರು ಬುದ್ನಿ ಕ್ರಾಸ್ ಬಳಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಏಕಾಏಕಿ ಪಲ್ಟಿಯಾಗಿದೆ.

ಘಟನೆಯಲ್ಲಿ ಶಾಸಕ ನಡಹಳ್ಳಿ ಅವರ ಮಾವ ರಾಮನಗೌಡ ಪೀರಾಪುರ‌‌, ಅವರ ಪತ್ನಿ ವಿಜಯಲಕ್ಷ್ಮಿ ಪೀರಾಪುರ ಹಾಗೂ ಪುತ್ರಿ ತೃಪ್ತಿ ಪೀರಾಪುರ ಅವರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ.