ಗಾಂಜಾ ಮಾರಾಟಕ್ಕೆ ಕಾಯುತ್ತಿದ್ದವರು ಪೊಲೀಸರ ಬಲೆಗೆ!

ವಿಜಯಪುರದಲ್ಲಿ ಗಾಂಜಾ ಮಾರಾಟಕ್ಕೆ ಕಾಯುತ್ತಿದ್ದ ಇಬ್ಬರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ. 1 ಕೆಜಿ 400 ಗ್ರಾಂ. ಗಾಂಜಾ ಹಾಗೂ ನಗದು 14,700 ವಶಕ್ಕೆ ಪಡೆಯಲಾಗಿದೆ.

ದೇವನಹಳ್ಳಿ: ಅನುಮಾನಾಸ್ಪದವಾಗಿ ನಿಂತಿದ್ದ ವ್ಯಕ್ತಿಗಳನ್ನು ಪೊಲೀಸರು ವಿಚಾರಿಸಿದಾಗ ಗಾಂಜಾ ಮಾರಾಟಕ್ಕೆ ಗ್ರಾಹಕರಿಗೆ ಕಾಯುತ್ತಿದ್ದ ವಿಚಾರ ಬೆಳಕಿಗೆ ಬಂದಿದೆ. 45 ಸಾವಿರ ಮೌಲ್ಯದ 1 ಕೆಜಿ, 400 ಗ್ರಾಂ ಗಾಂಜಾ ಪತ್ತೆಯಾಗಿದೆ.

ಗಾಂಜಾ ಮಾರಾಟಕ್ಕೆ ಕಾಯುತ್ತಿದ್ದವರು ಪೊಲೀಸರ ಬಲೆಗೆ

ಪಟ್ಟಣದ ಜಂಗ್ಲೀ ಪೀರ್ ದರ್ಗಾದ ಬಳಿ ಗಾಂಜಾ ಮಾರಾಟದ ಬಗ್ಗೆ ಖಚಿತ ಮಾಹಿತಿ ಮೇರೆಗೆ ವಿಜಯಪುರ ಪಿಎಸ್ಐ ನೇತೃತ್ವದಲ್ಲಿ ದಾಳಿ ಮಾಡಲಾಗಿದೆ. ದಾಳಿ ವೇಳೆ ಮುನಾವರ್ ( 37) ಮತ್ತು ಶ್ರೀನಿವಾಸ್ (50) ಇಬ್ಬರು ಆರೋಪಿಗಳನ್ನು ಬಂಧಿಸಲಾಗಿದೆ.

ಆರೋಪಿಗಳಿಂದ 14,700 ನಗದು ಹಣ ವಶಕ್ಕೆ ಪಡೆಯಲಾಗಿದೆ. ವಿಜಯಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.