ಮುದ್ದೇಬಿಹಾಳದಲ್ಲಿ ಹೆಚ್ಚಿದ ಪೆಟ್ರೋಲ್ ಕಳ್ಳರ ಹಾವಳಿ: ಸಿಸಿಟಿವಿ ವಿಡಿಯೋ

ಮುದ್ದೇಬಿಹಾಳ ಪಟ್ಟಣದ ನ್ಯೂ ಕಾಳಿಕಾ ಗ್ಯಾರೇಜ್‌ನಲ್ಲಿ ರಾತ್ರಿ ವೇಳೆ ಬೈಕ್‌ಗಳ ಪೈಪ್ ಬಿಚ್ಚುವ ಕಳ್ಳರು ಪೆಟ್ರೋಲ್ ಕದಿಯುತ್ತಿರುವ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಮುದ್ದೇಬಿಹಾಳ: ದಿನೇ ದಿನೆ ಪೆಟ್ರೋಲ್ ಬೆಲೆ ಗಗನಕ್ಕೇರುತ್ತಿದೆ. ಇದರ ಪರಿಣಾಮ ಎಂಬಂತೆ, ಮುದ್ದೇಬಿಹಾಳ ಪಟ್ಟಣದಲ್ಲಿ ಪೆಟ್ರೋಲ್ ಕಳ್ಳರ ಹಾವಳಿ ಜೋರಾಗಿದೆ. ಇಲ್ಲಿನ ನ್ಯೂ ಕಾಳಿಕಾ ಗ್ಯಾರೇಜ್‌ನಲ್ಲಿ ರಾತ್ರಿ ವೇಳೆ ಬೈಕ್‌ಗಳ ಪೈಪ್ ಬಿಚ್ಚುವ ಕಳ್ಳರು ಪೆಟ್ರೋಲ್ ಕದಿಯುತ್ತಿದ್ದಾರೆ.

ಇಬ್ಬರು ಯುವಕರು ಆಗಸ್ಟ್‌ 3ರಂದು ರಾತ್ರಿ 12.10ಕ್ಕೆ ಗ್ಯಾರೇಜ್‌ಗೆ ನುಗ್ಗಿ ಪೆಟ್ರೋಲ್ ಕದಿಯುತ್ತಿರುವ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಬೆಲೆ ಏರಿಕೆ ಬಿಸಿ ಈ ಪೆಟ್ರೋಲ್ ಕಳ್ಳತನಕ್ಕೆ ದಾರಿ ಮಾಡಿಕೊಡುತ್ತಿದೆ ಎನ್ನಲಾಗುತ್ತಿದೆ. ಈ ಕುರಿತು ಪೊಲೀಸರು ಕ್ರಮ ಕೈಗೊಳ್ಳಬೇಕು ಎಂದು ಪಟ್ಟಣದ ಜನತೆ ಆಗ್ರಹಿಸಿದ್ದಾರೆ.