ವಿಜಯಪುರದಲ್ಲಿ 2ನೇ ಹಂತದ ಗ್ರಾಪಂ ಚುನಾವಣೆಗೆ ಜಿಲ್ಲಾಡಳಿತದಿಂದ ಸಕಲ ಸಿದ್ಧತೆ

ವಿಜಯಪುರದ 88 ಗ್ರಾಮ ಪಂಚಾಯಿತಿಗಳಿಗೆ ನಾಳೆ ಚುನಾವಣೆ ನಡೆಯಲಿದ್ದು, ಜಿಲ್ಲಾಡಳಿತ ಎಲ್ಲಾ ಅಗತ್ಯ ಕ್ರಮಗಳನ್ನು ಕೈಗೊಂಡಿದೆ.

ವಿಜಯಪುರ: ಜಿಲ್ಲೆಯಲ್ಲಿ ಎರಡನೇ ಹಂತದಲ್ಲಿ 4 ತಾಲೂಕುಗಳಲ್ಲಿ ಚುನಾವಣೆ ನಡೆಯಲಿದ್ದು, 88 ಗ್ರಾಮ ಪಂಚಾಯಿತಿಗಳಿಗೆ ಮತದಾನ ನಡೆಯಲಿದೆ. ಇದಕ್ಕೆ ಜಿಲ್ಲಾಡಳಿತದಿಂದ ಎಲ್ಲಾ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಜಿಲ್ಲಾಧಿಕಾರಿ ಪಿ.ಸುನೀಲ ಕುಮಾರ ತಿಳಿಸಿದ್ದಾರೆ.

ಎರಡನೇ ಹಂತದ ಚುನಾವಣೆಗೆ 5,45,6555 ಮತದಾರರಿದ್ದು, ಒಟ್ಟು 744 ಮತಗಟ್ಟೆಗಳಿವೆ. 113 ಸೂಕ್ಷ್ಮ ಮತಗಟ್ಟೆಗಳಿವೆ. 89 ಅತಿಸೂಕ್ಷ್ಮ ಮತಗಟ್ಟೆಗಳು, 582 ಸಾಧಾರಣ ಮತಗಟ್ಟೆಗಳಿವೆ. ಚುನಾವಣೆ ಕಾರ್ಯಕ್ಕೆ 99 ಚುನಾವಣೆ ಅಧಿಕಾರಿಗಳು, 108 ಸಹಾಯಕ ಚುನಾವಣಾ ಅಧಿಕಾರಿಗಳು, 43 ಸೆಕ್ಟರ್ ಅಧಿಕಾರಿಗಳು, 4 ಎಂಸಿಸಿ ಟೀಮ್ ನಿಯೋಜಿಸಲಾಗಿದೆ. 876 ಪೋಲಿಂಗ್ ಪಾರ್ಟಿಗಳಿದ್ದು, 572 ಚುನಾವಣೆ ನಡೆಯುವ ಕ್ಷೇತ್ರಗಳಾಗಿವೆ. 1628 ಚುನಾವಣೆ ನಡೆಯುವ ಒಟ್ಟು ಸ್ಥಾನಗಳಾಗಿದ್ದು, 146 ವಾಹನಗಳು, 108 ಬಸ್, 14 ಮಿನಿ ಬಸ್, 26 ಕ್ರೂಸರ್, 8 ಜೀಪ್, 10 ಕಾಯ್ದಿರಿಸಿದ ಜೀಪ್‌ಗಳಿವೆ ಎಂದು ಅವರು ತಿಳಿಸಿದ್ದಾರೆ.

ಇನ್ನು 190 ಮತ ಎಣಿಕೆಗೆ ಟೇಬಲ್ ವ್ಯವಸ್ಥೆ ಮಾಡಲಾಗಿದ್ದು, 208 ಮತ ಎಣಿಕೆ ಮೇಲ್ವಿಚಾರಕರನ್ನು ನೇಮಿಸಲಾಗಿದೆ. 417 ಮತ ಎಣಿಕೆ ಸಹಾಯಕರು, ಮತ ಎಣಿಕೆ ಸಿಬ್ಬಂದಿಗೆ ತರಬೇತಿ ಈಗಾಗಲೇ ನೀಡಲಾಗಿದೆ. 6165 ನಾಮಪತ್ರ ಸ್ವೀಕರಿಸಲಾಗಿದೆ. 149 ನಾಮಪತ್ರಗಳು ತಿರಸ್ಕೃತವಾಗಿವೆ. 1586 ನಾಮಪತ್ರಗಳನ್ನು ಹಿಂಪಡೆಯಲಾಗಿದೆ. 4250 ಮಂದಿ ಅಂತಿಮವಾಗಿ ಕಣದಲ್ಲಿ ಉಳಿದ್ದಾರೆ. 119 ಅಭ್ಯರ್ಥಿಗಳು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಪೊಲೀಸ್ ಭದ್ರತೆ:

ಶಾಂತಿಯುತವಾಗಿ ಮತದಾನ ನಡೆಯಲು ಹೆಚ್ಚುವರಿ ಪೊಲೀಸ್ ಭದ್ರತೆ ವಹಿಸಲಾಗಿದೆ. 4 ಡಿವೈಎಸ್​ಪಿ, 12 ಸಿಪಿಐ, 48 ಪಿಎಸ್​ಐ, 88 ಎಸ್​ಐ, 100 ಹೆಚ್‌ಸಿ, 866 ಪೊಲೀಸ್ ಕಾನ್ಸ್​​ಟೇಬಲ್​ಗಳು ಸೇರಿ 1,118 ಪೊಲೀಸ್ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ ಎಂದು ಜಿಲ್ಲಾಧಿಕಾರಿಗಳು ತಿಳಿಸಿದ್ದಾರೆ.