ವಿಜಯಪುರ: ಸಿದ್ದೇಶ್ವರ ಸ್ವಾಮೀಜಿ ಚೇತರಿಸಿಕೊಂಡಿದ್ದಾರೆ. ಸದ್ಯ ಆರೋಗ್ಯವಾಗಿದ್ದು, ಭಕ್ತರಿಗೆ ದರ್ಶನ ಕೊಡುತ್ತಿದ್ದಾರೆ. ಯಾವುದೇ ವದಂತಿಗಳಿಗೆ ಭಕ್ತರು ಕಿವಿಕೊಡಬಾರದು ಎಂದು ಜ್ಞಾಜಯೋಗಾಶ್ರಮ ಪ್ರಕಟಣೆ ಹೊರಡಿಸಿದೆ.
ಇಲ್ಲಿನ ಜ್ಞಾನಯೋಗಾಶ್ರಮದ ಮೊದಲ ಮಹಡಿಯಿಂದಲೇ ಮಧ್ಯಾಹ್ನ 1 ಮತ್ತು ಸಾಯಂಕಾಲ 5ಗಂಟೆಗೆ ಸ್ವಾಮೀಜಿ ದರ್ಶನ ನೀಡಿದ್ದರು. ಆದ್ರೆ ಸಂಜೆ ಭಕ್ತರು ಹೆಚ್ಚಿಗೆ ಬಂದ ಕಾರಣ ಸ್ವಾಮೀಜಿ ಮತ್ತೆ ಸಂಜೆ 7ಕ್ಕೆ ದರ್ಶನ ನೀಡಿದರು. ಸ್ವಾಮೀಜಿ ಕಂಡ ಕೂಡಲೇ ಭಕ್ತರು ಚಪ್ಪಾಳೆ ಹೊಡೆದು ಹರ್ಷ ವ್ಯಕ್ತಪಡಿಸಿದರು. ಈ ವೇಳೆ ಸ್ವಾಮೀಜಿ ಆಶೀರ್ವಾದ ಮಾಡಿದರು. ನಾಳೆಯಿಂದ ಭಕ್ತರು ಮಧ್ಯಾಹ್ನ ಮಾತ್ರ ದರ್ಶನ ಪಡೆಯಬೇಕೆಂದು ಆಶ್ರಮದ ಅಧ್ಯಕ್ಷ ಬಸವಲಿಂಗ ಸ್ವಾಮೀಜಿ ಮನವಿ ಮಾಡಿದರು.