ಕಾರು ಪಲ್ಟಿ: ತವರಿನಲ್ಲಿದ್ದ ಪತ್ನಿ ಕರೆಯಲು ಹೋದ ಪತಿ ಸಾವು!

ಹಡಲಗೇರಿಯಿಂದ ಪತ್ನಿ ತವರು ಮನೆ ತಾಳಿಕೋಟೆಯ ಮಾಳನೂರಿಗೆ ಹೊರಟಿದ್ದ ನಿಂಗಯ್ಯ ಎಂಬಾತ ಕಾರಿನಲ್ಲಿ ಅತಿ ವೇಗದಿಂದ ಹೊರಟಿದ್ದ ಎನ್ನಲಾಗಿದೆ. ಪರಿಣಾಮ ನಿಯಂತ್ರಣ ತಪ್ಪಿದ ಕಾರು ರಸ್ತೆ ಪಕ್ಕದ ಹೊಲದಲ್ಲಿ ಪಲ್ಟಿಯಾಗಿ ಬಿದ್ದಿದೆ.

ಮುದ್ದೇಬಿಹಾಳ: ತವರಿನಲ್ಲಿದ್ದ ಪತ್ನಿಯನ್ನು ಕರೆದುಕೊಂಡು ಬರಲು ತೆರಳಿದ್ದ ಪತಿ ಕಾರು ಅಪಘಾತದಲ್ಲಿ ಸಾವನ್ನಪ್ಪಿರುವ ಘಟನೆ ತಾಲೂಕಿನ ಜಮ್ಮಲದಿನ್ನಿ-ಹೊಕ್ರಾಣಿ ಕ್ರಾಸ್ ಬಳಿ ಶುಕ್ರವಾರ ರಾತ್ರಿ ನಡೆದಿದೆ.

ತವರಿನಲ್ಲಿದ್ದ ಪತ್ನಿ ಕರೆಯಲು ಹೋದ ಪತಿ ಸಾವು

ತಾಲೂಕಿನ ಹಡಲಗೇರಿ ಗ್ರಾಮದ ನಿಂಗಯ್ಯ ಮಡಿವಾಳಯ್ಯ ಹಿರೇಮಠ (35) ಸ್ಥಳದಲ್ಲಿಯೇ ಮೃತಪಟ್ಟ ದುರ್ದೈವಿ. ತಡರಾತ್ರಿ ಹಡಲಗೇರಿಯಿಂದ ಪತ್ನಿ ತವರು ಮನೆ ತಾಳಿಕೋಟೆಯ ಮಾಳನೂರಿಗೆ ನಿಂಗಯ್ಯ ಹೊರಟಿದ್ದ. ಅತಿ ವೇಗದ ಕಾರಣ ನಿಯಂತ್ರಣ ತಪ್ಪಿದ ಕಾರು ರಸ್ತೆ ಪಕ್ಕದ ಹೊಲದಲ್ಲಿ ಪಲ್ಟಿಯಾಗಿ ಬಿದ್ದಿದೆ.

ತಾಳಿಕೋಟೆ ಪಿಎಸ್​​ಐ ಶಿವಾಜಿ ಪವಾರ ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ತಾಳಿಕೋಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.