ಮುದ್ದೇಬಿಹಾಳ(ವಿಜಯಪುರ): ಮನುಷ್ಯ ಹಾಗೂ ಮೂಕ ಪ್ರಾಣಿಗಳ ಮಧ್ಯೆ ಅವಿನಾಭಾವ ಸಂಬಂಧವಿದೆ. ಇದಕ್ಕೆ ಪೂರಕವಾಗುವಂತೆ ಪಟ್ಟಣದ ಪುರಸಭೆ ಸದಸ್ಯರೊಬ್ಬರ ಕುಟುಂಬದವರು ತಾವು ಮನೆಯಲ್ಲಿ ಸಾಕಿದ ಶ್ವಾನಕ್ಕೂ ಬರ್ತ್ಡೇ ಆಚರಣೆ ಮಾಡಿ ಸಂಭ್ರಮಿಸಿದರು.
ಶ್ವಾನಕ್ಕೆ ಕೇಕ್ ಕತ್ತರಿಸಿ ಹುಟ್ಟು ಹಬ್ಬ ಆಚರಣೆ
ಪಟ್ಟಣದ ವಿದ್ಯಾನಗರ ನಿವಾಸಿ ಶುಭಂ ಜ್ಯುವೆಲ್ಲರಿ ಮಾಲೀಕ ವಿಜಯಕುಮಾರ್ ಬಡಿಗೇರ ಹಾಗೂ ಪುರಸಭೆ ಸದಸ್ಯೆ ಸಹನಾ ಬಡಿಗೇರ ಅವರೇ ತಮ್ಮ ಮನೆಯಲ್ಲಿ ಸಾಕಿರುವ 'ಟಫಿ' ಹೆಸರಿನ ಶ್ವಾನಕ್ಕೆ ಮೊದಲನೇ ವರ್ಷದ ಬರ್ತ್ಡೇಯನ್ನು ಕೇಕ್ ಕತ್ತರಿಸಿ ಆಚಸರಿಸಿದರು. ಮನೆಯ ಸದಸ್ಯನಂತಿರುವ ಶ್ವಾನದ ಹುಟ್ಟುಹಬ್ಬ ಆಚರಣೆಗೆ ಬಂದವರಿಗೆ ಇಡ್ಲಿ, ಸಾಂಬರ್, ಜ್ಯೂಸ್ ವಿತರಿಸಿದರು.