'ಸಿಡಿ ಇಟ್ಟುಕೊಂಡು ಮಂತ್ರಿಯಾದವರ ಬಗ್ಗೆ ಕಾಲ ಬಂದಾಗ ಬಹಿರಂಗಪಡಿಸುವೆ'

ರಾಮನ ಬಗ್ಗೆ, ಬ್ರಹ್ಮನ ಬಗ್ಗೆ ಮಾತನಾಡುವ ಕಳ್ಳರೆಲ್ಲಾ ಸಿಡಿ ಇಟ್ಟುಕೊಂಡು ಬ್ಲ್ಯಾಕ್​ಮೇಲ್ ಮಾಡಿ ಮಂತ್ರಿಯಾಗಿದ್ದಾರೆ ಎಂದು ಬಿಜೆಪಿ ಶಾಸಕ ಬಸನಗೌಡ ಪಾಟೀಲ ಯತ್ನಾಳ್​ ಕಿಡಿಕಾರಿದ್ದಾರೆ.

ವಿಜಯಪುರ:ಸಪ್ಲಾಯರ್ಸ್​ಗಳು ಯಾರ್ಯಾರಿಗೆ ಏನೇನು ಸಪ್ಲೈ ಮಾಡ್ತಾರೋ, ಯಡಿಯೂರಪ್ಪನವರಿಗೆ ಏನು ಸಪ್ಲೈ ಮಾಡ್ತಾರೋ, ಮೇಲಿನವರಿಗೆ ಏನು ಸಪ್ಲೈ ಮಾಡ್ತಾರೋ ಎಲ್ಲಾ ಗೊತ್ತಿದೆ. ಕಾಲ ಬಂದಾಗ ಎಲ್ಲವನ್ನೂ ಬಹಿರಂಗಪಡಿಸುತ್ತೇನೆ ಎಂದು ಬಿಜೆಪಿ ಶಾಸಕ ಬಸನಗೌಡ ಪಾಟೀಲ ಯತ್ನಾಳ್​ ಹೆಸರು ಹೇಳದೇ ಪರೋಕ್ಷವಾಗಿ ಸಚಿವ ಮುರುಗೇಶ ನಿರಾಣಿ ವಿರುದ್ಧ ಗುಡುಗಿದರು.

ವಿಜಯಪುರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಜೆ.ಟಿ.ಪಾಟೀಲ ಸಿಡಿ, ಹುಲ್ಲಪ್ಪ ಮೇಟಿ ಸಿಡಿ ಹಾಗು ಮತ್ತೆ ಯಾರ್ಯಾರಿಗೆ ಏನೇನು ಸಪ್ಲೈ ಮಾಡಿದ್ದಾರೋ ಅವರೆಲ್ಲಾ ನಾಲಾಯಕರು. ನಾನು ಸಪ್ಲಾಯರ್​ ಅಲ್ಲ. ಮಂತ್ರಿಯಾಗಲು, ಎಂಎಲ್​ಸಿಯಾಗಲು ಯಾರ ಕೈ-ಕಾಲು ಹಿಡಿದಿಲ್ಲ. ಇಂತಹ ನಾಲಾಯಕರಿಂದ ಏನೂ ಕಲಿಯಬೇಕಾದ ಅವಶ್ಯಕತೆ ಇಲ್ಲ ಎಂದು ನಿರಾಣಿ ವಿರುದ್ಧ ವಾಗ್ದಾಳಿ ನಡೆಸಿದರು.

ರಾಮ, ಬ್ರಹ್ಮನ ಬಗ್ಗೆ ಮಾತನಾಡುವ ಕಳ್ಳರೆಲ್ಲಾ ಸಿಡಿ ಇಟ್ಟುಕೊಂಡು, ಬ್ಲ್ಯಾಕ್​ಮೇಲ್ ಮಾಡಿ ಮಂತ್ರಿಯಾಗಿದ್ದಾರೆ ಎಂದು ಇದೇ ವೇಳೆ ಅವರು ಆರೋಪಿಸಿದರು.

ಇದನ್ನೂ ಓದಿ:ಸಿಡಿಲೇಡಿ ಭೇಟಿಗಾಗಿ ಕಾಯುತ್ತಿರುವ ಪೋಷಕರು: ಎಸ್ಐಟಿಗೆ ಮನವಿ ಸಲ್ಲಿಕೆ