ಕಾರ್ಖಾನೆಯಲ್ಲಿ ಆಕಸ್ಮಿಕ ಬೆಂಕಿ : ಅಪಾರ ಪ್ರಮಾಣದ ಪೊರಕೆ ಬೆಂಕಿಗಾಹುತಿ

ಸ್ಥಳಕ್ಕೆ ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಗೋಳಗುಮ್ಮಟ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ..

ವಿಜಯಪುರ :ಪೊರಕೆ ತಯಾರಿಸುತ್ತಿದ್ದ ಕಾರ್ಖಾನೆಯಲ್ಲಿ ಆಕಸ್ಮಿಕವಾಗಿ ಬೆಂಕಿ ಕಾಣಿಸಿಕೊಂಡು ಅಪಾರ ಪ್ರಮಾಣದ ಪೊರಕೆಗಳು ಬೆಂಕಿಗಾಹುತಿಯಾದ ಘಟನೆ ವಿಜಯಪುರ ನಗರದ ಕೊಂಚಿಕೊರಮ ಓಣಿಯಲ್ಲಿ ನಡೆದಿದೆ.

ನಗರದ ಗೋಳಗುಮ್ಮಟ ಎದುರಿಗಿರುವ ಕೊಂಚಿಕೊರಮ ಓಣಿಯ‌ ನಿವಾಸಿ ಮಳ್ಳೆಪ್ಪ ಕೊಂಚಿ ಕೊರಮ ಎಂಬುವರಿಗೆ ಸೇರಿದ ಸೆಂಧಿ ಪೊರಕೆ ಘಟಕ ಬೆಂಕಿಗೆ ಆಹುತಿಯಾಗಿದೆ. ಮಾರಾಟ ಮಾಡಲು ಸೆಂಧಿ ಪೊರಕೆ ತಯಾರಿ ಶೇಖರಿಸಿಡಲಾಗಿತ್ತು.

ಸ್ಥಳಕ್ಕೆ ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಗೋಳಗುಮ್ಮಟ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.