ಬಣ್ಣದಾಟದ ವೇಳೆ ವಿದ್ಯುತ್ ತಂತಿ ಸ್ಪರ್ಶ: ವಿಜಯಪುರದಲ್ಲಿ ಬಾಲಕ ಸಾವು

ವಿಜಯಪುರದ ಗ್ರಾಮವೊಂದರಲ್ಲಿ ಬಣ್ಣದಾಟದಲ್ಲಿ ತೊಡಗಿದ್ದ ಬಾಲಕನೊಬ್ಬ ವಿದ್ಯುತ್​ ಶಾಕ್​ಗೆ ಬಲಿಯಾಗಿದ್ದಾನೆ.

ವಿಜಯಪುರ:ಇಂದು ಸಂಭ್ರಮದ ಹೋಳಿ ಹಬ್ಬ. ಈ ಸಡಗರದಲ್ಲಿದ್ದ ಬಾಲಕ ವಿದ್ಯುತ್​ ತಂತಿ ಸ್ಪರ್ಶಿಸಿ ಸಾವನ್ನಪ್ಪಿದ್ದ ಘಟನೆ ವಿಜಯಪುರದಲ್ಲಿ ನಡೆದಿದೆ. ಜಿಲ್ಲೆಯ ಕೊಲ್ಹಾರ ತಾಲೂಕಿನ ತಳೇವಾಡ ಗ್ರಾಮದ ಹಣಮಂತಪ್ಪ ಬೀರಪ್ಪ ವಾಲೀಕಾರ್​(12)ಮೃತಪಟ್ಟ ದುರ್ದೈವಿ.

ಬಾಲಕ ಹಣಮಂತಪ್ಪ ಹೋಳಿ ಆಡುತ್ತಿದ್ದಾಗ ನೀರು ತುಂಬಿಸಿಕೊಳ್ಳಲು ಗ್ರಾಮ ಪಂಚಾಯತಿ ನಿರ್ಮಿಸಿರುವ ನೀರಿನ‌ ಟ್ಯಾಂಕ್​ ಬಳಿ ಹೋದಾಗ ವಿದ್ಯುತ್ ತಂತಿ ಸ್ಪರ್ಶಿಸಿದೆ.

ಈ ದುರ್ಘಟನೆಗೆ ಗ್ರಾಮ ಪಂಚಾಯತಿಯ ನಿರ್ಲಕ್ಷ್ಯವೇ ಕಾರಣ ಎಂದು ಬಾಲಕನ ಪಾಲಕರು ಹಾಗೂ ಸಂಬಂಧಿಕರು ಸೇರಿದಂತೆ ಗ್ರಾಮ ಪಂಚಾಯತಿ ಮುಂಭಾಗದಲ್ಲಿ ಬಾಲಕನ ಶವವಿಟ್ಟು ನ್ಯಾಯಕ್ಕಾಗಿ ಪ್ರತಿಭಟನೆ ನಡೆಸಿದ್ದಾರೆ. ಸ್ಥಳಕ್ಕೆ ಕೂಡಗಿ ಪೊಲೀಸರು ಭೇಟಿ ನೀಡಿ ‌ಪರಿಶೀಲನೆ‌ ನಡೆಸಿದ್ದಾರೆ.

ಇದನ್ನೂ ಓದಿ:ಬೈಲಹೊಂಗಲ ಜೈಲಿನಿಂದ ಕೈದಿ ಪರಾರಿ