ಕುಮಟಾದಲ್ಲಿ ಬಟ್ಟೆ ಅಂಗಡಿಗೆ ತೆರಳಿದ್ದ ಯುವತಿ ನಾಪತ್ತೆ ಆಗಿದ್ಹೇಗೆ!?

ಬಟ್ಟೆ ಅಂಗಡಿಗೆ ತೆರಳಿದ್ದ ಯುವತಿ ಕಾಣೆಯಾಗಿರುವ ಘಟನೆ ಕುಮಟಾ ತಾಲೂಕಿನ ಸಂತೇಗುಳಿ ಗ್ರಾಮ ಪಂಚಾಯತ್‌ ವ್ಯಾಪ್ತಿಯಲ್ಲಿ ನಡೆದಿದೆ.

ಕಾರವಾರ:ಬಟ್ಟೆ ಅಂಗಡಿಗೆ ತೆರಳಿದ್ದ ಯುವತಿಯೊಬ್ಬಳು ಕಾಣೆಯಾಗಿರುವ ಘಟನೆ ಕುಮಟಾ ತಾಲೂಕಿನ ಸಂತೇಗುಳಿ ಗ್ರಾಮ ಪಂಚಾಯತ್‌ ವ್ಯಾಪ್ತಿಯಲ್ಲಿ ನಡೆದಿದೆ.

ತಮ್ಮ ಮಗಳು ಬಾನು ಅಲಿಸಾಬ್ ಸಾಬ ಫೆ. 3ರಂದು ಬೆಳಗ್ಗೆ ಬಟ್ಟೆ ಅಂಗಡಿಗೆ ಹೋಗಿ ಬರುವುದಾಗಿ ಮನೆಯಿಂದ ತೆರಳಿದ್ದವಳು, ಮತ್ತೆ ಮರಳಿ ಬಂದಿಲ್ಲ. ಆಕೆಯ ಬಗ್ಗೆ ಅಂಗಡಿಯಲ್ಲೂ ವಿಚಾರಿಸಲಾಗಿದೆ. ಅಲ್ಲಿಗೂ ತೆರಳಿಲ್ಲ ಎಂದು ಯುವತಿಯ ತಂದೆ ಅಲಿಸಾಬ್ ಅಬ್ದುಲ್ ಕರೀಂ ಸಾಬ ಕುಮಟಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಯುವತಿಗೆ 19 ವರ್ಷ ವಯಸ್ಸಾಗಿದೆ. 5 ಅಡಿ 5 ಇಂಚು ಎತ್ತರ, ದುಂಡನೆ ಮುಖ,ಗೋಧಿ ಮೈಬಣ್ಣ, ಕನ್ನಡ,ಹಿಂದಿ,ಉರ್ದು ಭಾಷೆಯಲ್ಲಿ ಮಾತನಾಡುತ್ತಾಳೆ. ಕಪ್ಪು ಬಣ್ಣದ ಬುರ್ಕಾ ಧರಿಸಿರುತ್ತಾರೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.

ಈ ಮೇಲಿನ ಚಹರೆವುಳ್ಳ ಯುವತಿ ಎಲ್ಲಿಯಾದರೂ ಪತ್ತೆಯಾದಲ್ಲಿ ಕುಮಟಾ ಪೊಲೀಸ್ ಠಾಣೆ ದೂರವಾಣಿ ಸಂಖ್ಯೆ: (08386) 222333 ಮೊಬೈಲ್ ನಂ.9480805272ಗೆ ಮಾಹಿತಿ ನೀಡುವಂತೆ ಪೊಲೀಸ್ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.