ಕಾರವಾರ: ಮನೆ ಗಡಿ ವಿವಾದ ವಿಕೋಪಕ್ಕೆ ತಿರುಗಿ ಮಹಿಳೆಯರು ನಡು ರಸ್ತೆಯಲ್ಲಿಯೇ ಹೊಡೆದಾಡಿಕೊಂಡ ಘಟನೆ ಕುಮಟಾ ನಗರದ ಹೊಸ ಮೀನು ಮಾರುಕಟ್ಟೆಯಲ್ಲಿ ನಡೆದಿದೆ.
ನಡುರಸ್ತೆಯಲ್ಲಿಯೇ ಬಡಿದಾಡಿಕೊಂಡ ಮಹಿಳೆಯರು
ಮಾಯಾ ಗಜಾನನ ಭಂಡಾರಿ, ಸೌಮ್ಯ ಭಂಡಾರಿ ಗಾಯಗೊಂಡ ಮಹಿಳೆಯರು. ಮಂಗಳ ಲೋಪಿಸ್ ತಮ್ಮ ಮೇಲೆ ಹಲ್ಲೆ ಮಾಡಿದ್ದಾರೆ ಎಂದು ದೂರು ದಾಖಲಿಸಲಾಗಿದೆ. ಈ ಹಿಂದೆ ಎರಡು ಮನೆಯವರ ನಡುವೆ ಜಾಗ ಒತ್ತುವರಿಯಾಗಿದೆ ಎಂಬ ಕಾರಣಕ್ಕೆ ಪ್ರಕರಣ ಕೋರ್ಟ್ ಮೆಟ್ಟಿಲೇರಿತ್ತು. ಆದರೆ, ಇಂದು ಮಾಯಾ ಬಂಡಾರಿ ಮನೆ ಎದುರು ಮಂಗಳ ಲೋಪಿಸ್ ಅಂಗಡಿ ಇಟ್ಟಿದ್ದರು ಎನ್ನಲಾಗಿದೆ. ಇದರಿಂದ ಇಬ್ಬರ ನಡುವೆ ಜಗಳವಾಗಿದೆ.