ಶಿರಸಿಯ ಮಾರಿಕಾಂಬೆ ದರ್ಶನ ಪಡೆದ ಉಪೇಂದ್ರ

ಶಿರಸಿಯ ಮಾರಿಕಾಂಬಾ ದೇವಾಲಯಕ್ಕೆ ಉತ್ತಮ ಪ್ರಜಾಕೀಯ ಪಕ್ಷದ ಸ್ಥಾಪಕ, ನಟ ಉಪೇಂದ್ರ ಭೇಟಿ ನೀಡಿ ದೇವಿ ಮಾರಿಕಾಂಬೆಯ ದರ್ಶನ ಪಡೆದರು.

ಶಿರಸಿ : ದಕ್ಷಿಣ ಭಾರತದ ಪ್ರಸಿದ್ಧ ಶಕ್ತಿಪೀಠಗಳಲ್ಲೊಂದಾದ ಉತ್ತರ ಕನ್ನಡ ಜಿಲ್ಲೆಯ ಶಿರಸಿಯ ಮಾರಿಕಾಂಬಾ ದೇವಾಲಯಕ್ಕೆ ಉತ್ತಮ ಪ್ರಜಾಕೀಯ ಪಕ್ಷದ ಸ್ಥಾಪಕ, ನಟ ಉಪೇಂದ್ರ ಭೇಟಿ ನೀಡಿ ದೇವಿ ಮಾರಿಕಾಂಬೆಯ ದರ್ಶನ ಪಡೆದರು.

ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರದ ಪ್ರಜಾಕೀಯ ಅಭ್ಯರ್ಥಿ ಸುನೀಲ್ ಪವಾರ್ ಪರ ಸುದ್ದಿಗೋಷ್ಠಿ ನಡೆಸಿದ ಅವರು, ಪಕ್ಷದ ಗೆಲುವು ಸೋಲು ಮುಖ್ಯ ಅಲ್ಲ. ನಮ್ಮ ವಿಚಾರ ಜನರಿಗೆ ಮುಟ್ಟಬೇಕು. ನಮ್ಮ ವಿಚಾರ ವಾದವನ್ನು ಜನ ಒಪ್ಪಿದರೆ ಖಂಡಿತಾ ಗೆಲುವು ನಮ್ಮದಾಗಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ನಂತರ ನೂರಾರು ಅಭಿಮಾನಿಗಳು ಸೆಲ್ಪಿಗೆ ಮುಗಿಬಿದ್ದರು. ಸರತಿ ಸಾಲಿನಲ್ಲಿ ನಿಂತು ತಮ್ಮ ನೆಚ್ಚಿನ ನಟನೊಂದಿಗೆ ಫೋಟೋ ಕ್ಲಿಕ್ಕಿಸಿಕೊಂಡರು.