ವಿದ್ಯುತ್​ ತಂತಿ ತಗುಲಿ ಮೂರು ಜಾನುವಾರುಗಳು ಸಾವು

ನೆಲೆದ ಮೇಲೆ ಬಿದ್ದಿದ್ದ ವಿದ್ಯುತ್ ತಂತಿಯ ಮೇಲೆ ನಡೆದು ಮೂರು ಜಾನುವಾರುಗಳು ಮೃತಪಟ್ಟಿರುವ ದಾರುಣ ಘಟನೆ ಉತ್ತರ ಕನ್ನಡದ ಶಿರಸಿ ತಾಲೂಕಿನ ಹುಣಸೆಕೊಪ್ಪ ಗ್ರಾಮದ ತದ್ದಲಸೆಯಲ್ಲಿ ನಡೆದಿದೆ.

ಶಿರಸಿ :ನೆಲೆದ ಮೇಲೆ ಬಿದ್ದಿದ್ದ ವಿದ್ಯುತ್ ತಂತಿಯನ್ನು ತುಳಿದು ಮೂರು ಜಾನುವಾರುಗಳು ಮೃತಪಟ್ಟಿರುವ ದಾರುಣ ಘಟನೆ ಉತ್ತರ ಕನ್ನಡದ ಶಿರಸಿ ತಾಲೂಕಿನ ಹುಣಸೆಕೊಪ್ಪ ಗ್ರಾಮದ ತದ್ದಲಸೆಯಲ್ಲಿ ನಡೆದಿದೆ.

ಹುಣಸೆಕೊಪ್ಪದ ಈಶ್ವರ ಗೌಡ, ಬಂಗಾರ್ಯಗೌಡ ಹಾಗೂ ಗೋಪಾಲಗೌಡ ಎಂಬ ರೈತರಿಗೆ ಸೇರಿದ ಆಕಳುಗಳಾಗಿವೆ. ಮೇಯಲು ಹೋದಾಗ ವಿದ್ಯುತ್ ತಂತಿ ತಗುಲಿ ಸಾವನ್ನಪ್ಪಿವೆ ಎನ್ನಲಾಗುತ್ತಿದೆ. ಮೂರು ಆಕಳುಗಳಿಂದ ಸುಮಾರು 70 ಸಾವಿರಕ್ಕೂ ಅಧಿಕ ಹಾನಿಯಾಗಿದೆ ಎಂದು ಅಂದಾಜಿಸಲಾಗಿದ್ದು, ಘಟನಾ ಸ್ಥಳಕ್ಕೆ ಸಂಬಂಧಪಟ್ಟ ಅಧಿಕಾರಿಗಳು, ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಕಳೆದ ಒಂದು ತಿಂಗಳ ಅವಧಿಯಲ್ಲಿ ಹೆಸ್ಕಾಂ ನಿರ್ಲಕ್ಷ್ಯದಿಂದ 10 ಕ್ಕೂ ಅಧಿಕ ಬೆಲೆಬಾಳುವ ಜಾನುವಾರುಗಳು ಮೃತಪಟ್ಟಿದ್ದು, ಹೆಸ್ಕಾಂ ಕಾರ್ಯ ವೈಖರಿಗೆ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.