ಪ್ರೀತಿಸಿ ಮದುವೆಯಾಗಿದ್ದಕ್ಕೆ ವಿರೋಧ : ಮಗಳ ಅಪಹರಣ ಮಾಡಿದ ತಾಯಿ

ಶಿರಸಿಯಲ್ಲಿ ತಾಯಿಯೇ ಸ್ವಂತ ಮಗಳನ್ನು ಅಪಹರಿಸಿರುವ ಘಟನೆ ನಡೆದಿದೆ. ಈ ಸಂಬಂಧ ಮಾರುಕಟ್ಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ..

ಶಿರಸಿ : ಅಕ್ರಮವಾಗಿ ಮನೆ ಪ್ರವೇಶಿಸಿ ಬಲವಂತದಿಂದ ಮತ್ತು ಬರುವ ಔಷಧ ಸಿಂಪಡಿಸಿ ಮಗಳನ್ನು ಸ್ವತಃ ತಾಯಿಯೇ ಅಪಹರಿಸಿದ ಘಟನೆ ಶಿರಸಿಯ ಬಸವೇಶ್ವರ ನಗರದಲ್ಲಿ ನಡೆದಿದೆ.

ದೂರಿನ ಪ್ರತಿ

ರಿತಿಕಾ ಕಿಣಿ ಅಪಹರಣಗೊಂಡ ಮಹಿಳೆ. ಇತ್ತೀಚೆಗೆ ಮಣಿಕಂಠ ಕೊಡಿಯಾ ಎಂಬಾತ ಯುವತಿಯ ಮನೆಯವರ ವಿರೋಧದ ನಡುವೆಯೇ ಪ್ರೀತಿಸಿ, ವಿವಾಹವಾಗಿದ್ದನು. ಈ ವಿಷಯವನ್ನೇ ಮುಂದಿಟ್ಟುಕೊಂಡು ತಾಯಿ ಹಾಗೂ ಸಹಚರರು ಅಪಹರಿಸಿದ್ದಾಗಿ ದೂರು ದಾಖಲಾಗಿದೆ.

ಆರೋಪಿಗಳಾದ ರೂಪಾ ಶಿರಸಿಕರ, ಕಿರಣ ಬೆಲ್ಲದ್ ಹಾಗೂ ಇತರರು ಮನೆಗೆ ನುಗ್ಗಿ ಅವಾಚ್ಯವಾಗಿ ಬೈಯ್ದು, ಜೀವ ಬೆದರಿಕೆ ಹಾಕಿದ್ದರು. ಇದರ ಜೊತೆಗೆ ರಿತಾಕಾಳಿಗೆ ಮತ್ತು ಬರುವ ಔಷಧಿಯನ್ನು ಸಿಂಪಡಿಸಿ ಅಪಹರಿಸಿದ್ದಾರೆ ಎನ್ನಲಾಗುತ್ತಿದೆ. ಈ ಕುರಿತು ಮಾರುಕಟ್ಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.