ಶಿರಸಿ: ಮಾಲು ಸಮೇತ ನಾಲ್ವರು ಗಾಂಜಾ ಮಾರಾಟಗಾರರ ಬಂಧನ

ಶಿರಸಿಯಲ್ಲಿ ಗಾಂಜಾ ಮಾರಟದ ಖಚಿತ ಮಾಹಿತಿಯ ಮೇರೆಗೆ ದಾಳಿ ನಡೆಸಿದ ಪೊಲೀಸರು, ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದಾರೆ.

ಶಿರಸಿ:ಖಚಿತ ಮಾಹಿತಿಯ ಮೇರೆಗೆ ಗಾಂಜಾ ಮಾರಟ ಮಾಡುತ್ತಿದ್ದ ನಾಲ್ವರು ಆರೋಪಿಗಳನ್ನು ಮಾಲು ಸಮೇತ ಪೊಲೀಸರು ಬಂಧಿಸಿದ ಘಟನೆ ಜಿಲ್ಲೆಯ ದಾಂಡೇಲಿ ನಗರದ ಡಿಎಫ್​​ಎ ಮೈದಾನದಲ್ಲಿ ನಡೆದಿದೆ.

ದಾಂಡೇಲಿಯ ಪಟೇಲನಗರದ ನಿವಾಸಿ ಹುಸೇನಸಾಬ ಅಲಿಯಾಸ್ ಇಮ್ರಾನ್ ಹಸನಸಾಬ ಶೇಖ (24), ಮಾರುತಿ ನಗರದ ನಿವಾಸಿ ಅಶೋಕ ದೇಮಣ್ಣಾ ಗುರುವ (22), ಲಮಾಣಿಚಾಳದ ನಿವಾಸಿ ಅಬ್ದುಲ್ಲಾ ಖಾದರ ಖಾನ್ ಪಠಾಣ (18) ಮತ್ತು ಹಳೆದಾಂಡೇಳಿಯ ಮಹಮ್ಮದ ಗೌಸ ಅಲಿಯಾಸ್​​ ಅಶೀಪ್ ಅಬ್ದುಲ ಕುಟ್ಟಿ ( 24) ಬಂಧಿತ ಆರೋಪಿಗಳು.

ದಾಳಿ ವೇಳೆ ಅಂದಾಜು 10 ಸಾವಿರ ರೂ. ಮೌಲ್ಯದ 672 ಗ್ರಾಂ ಗಾಂಜಾ, 1,70,000 ಸಾವಿರ ಮೌಲ್ಯದ ಎರಡು ದ್ವಿಚಕ್ರ ವಾಹನಗಳು, 5 ಸಾವಿರ ಮೌಲ್ಯದ ಮೊಬೈಲ್ ಹಾಗೂ 550 ರೂ. ನಗದನ್ನು ವಶಪಡಿಸಿಕೊಳ್ಳಲಾಗಿದೆ. ದಾಂಡೇಲಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.