ಉ.ಕನ್ನಡ ಜಿಲ್ಲೆಯಲ್ಲಿ 48 ಸೋಂಕಿತರು ಪತ್ತೆ: 119 ಮಂದಿ ಗುಣಮುಖ

ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕೊರೊನಾ ವೈರಸ್‌ ಸೋಂಕಿತರ ಸಂಖ್ಯೆ ಅಲ್ಪ ಪ್ರಮಾಣದಲ್ಲಿ ತಗ್ಗಿದೆ. ಇಂದು ಸಾಕಷ್ಟು ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.

ಕಾರವಾರ: ಜಿಲ್ಲೆಯಲ್ಲಿಂದು 48 ಮಂದಿಗೆ ಕೋವಿಡ್ ಸೋಂಕು ದೃಢಪಟ್ಟಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 12,018ಕ್ಕೆ ಏರಿಕೆಯಾಗಿದೆ.

ಕಾರವಾರದಲ್ಲಿ 11, ಕುಮಟಾ 4, ಹೊನ್ನಾವರ 5, ಭಟ್ಕಳ 1, ಶಿರಸಿ 19, ಸಿದ್ದಾಪುರ 5, ಮುಂಡಗೋಡ 1 ಹಾಗೂ ಹಳಿಯಾಳದಲ್ಲಿ ಇಬ್ಬರಿಗೆ ಸೋಂಕು ದೃಢಪಟ್ಟಿದೆ. ಇನ್ನು, ಕಾರವಾರ 13, ಅಂಕೋಲಾ 2, ಕುಮಟಾ 39, ಹೊನ್ನಾವರ 17, ಭಟ್ಕಳ 24, ಶಿರಸಿ 12, ಮುಂಡಗೋಡ 1, ಜೊಯಿಡಾ 3 ಹಾಗೂ ಹಳಿಯಾಳ 8 ಪ್ರಕರಣಗಳು ಸೇರಿ ಒಟ್ಟು 119 ಸೋಂಕಿತರು ಗುಣಮುಖರಾಗಿದ್ದಾರೆ.

ಕಾರವಾರ, ಕುಮಟಾದಲ್ಲಿ ತಲಾ ಒಬ್ಬರು ಮೃತಪಟ್ಟಿದ್ದಾರೆ. 548 ಮಂದಿ ಹೋಮ್ ಐಸೋಲೇಶನ್‌ನಲ್ಲಿದ್ದಾರೆ. 657 ಸೋಂಕಿತರು ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಒಟ್ಟು 1,205 ಸಕ್ರಿಯ ಪ್ರಕರಣಗಳು ಸದ್ಯ ಜಿಲ್ಲೆಯಲ್ಲಿದ್ದು 159 ಮಂದಿ ಮೃತಪಟ್ಟಿದ್ದಾರೆ.