ಟೆಂಪೋ-ಬೈಕ್​ ನಡುವೆ ಡಿಕ್ಕಿ, ಬೈಕ್​ ಸವಾರ ಸಾವು

ಟೆಂಪೋ ಹಾಗೂ ಬೈಕ್ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿ ಸಿದ್ದಾಪುರ ತಾಲೂಕಿನ ದ್ಯಾವಾಸ ಹಾರ್ಸಿಕಟ್ಟಾದ ಬೈಕ್​​​ ಸವಾರ ನಾಗರಾಜ ನಾಯ್ಕ (30) ಮೃತಪಟ್ಟಿದ್ದಾನೆ.

ಶಿರಸಿ : ಟೆಂಪೋ ಹಾಗೂ ಬೈಕ್ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿ ಬೈಕ್ ಸವಾರ ಸ್ಥಳದಲ್ಲೇ ಮೃತಪಟ್ಟ ಘಟನೆ ಉತ್ತರ ಕನ್ನಡದ ಶಿರಸಿ ತಾಲೂಕಿನ ಜಾಗ್ನಳ್ಳಿ ಬಳಿ ನಡೆದಿದೆ.

ಸಿದ್ದಾಪುರ ತಾಲೂಕಿನ ದ್ಯಾವಾಸ ಹಾರ್ಸಿಕಟ್ಟಾದ ನಾಗರಾಜ ನಾಯ್ಕ (30) ಮೃತಪಟ್ಟ ಬೈಕ್ ಸವಾರನಾಗಿದ್ದಾನೆ. ಶಿರಸಿಯಿಂದ ಸಿದ್ದಾಪುರದ ಕಾನಸೂರು ಬಳಿಗೆ ತೆರಳುತ್ತಿದ್ದ ಟೆಂಪೋ ಹಾಗೂ ಮನೆಯಿಂದ ಶಿರಸಿಗೆ ಆಗಮಿಸುತ್ತಿದ್ದ ಬೈಕ್​​ಗೆ ಡಿಕ್ಕಿಯಾಗಿದೆ.

ನಿರ್ಲಕ್ಷ್ಯ ಚಾಲನೆಯೇ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ. ಇನ್ನು ಸ್ಥಳಕ್ಕೆ ಶಿರಸಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಶಿರಸಿ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.