ಫ್ಲಿಪ್​ಕಾರ್ಟ್​​​ನಲ್ಲಿ ಆರ್ಡರ್ ಮಾಡಿದ್ದೇ ಬೇರೆ, ಬಂದಿದ್ದೇ ಬೇರೆ: ಪಾರ್ಸಲ್​​​ ನೋಡಿ ಬೆಚ್ಚಿಬಿದ್ದ ಗ್ರಾಹಕ!

ಆನ್ಲೈನ್ ಕಂಪನಿಗಳನ್ನು ಹೇಗೆ ನಂಬುವುದು ಎಂದು ಜನ ಇದೀಗ ಮತ್ತೆ ಭೀತಿಗೊಳಗಾಗುವಂತಾಗಿದೆ. ಹೌದು, ಸುಲೋಚನ ಎನ್ನುವವರು ಫ್ಲಿಪ್​ಕಾರ್ಟ್ ಮೂಲಕ ಆರ್ಡರ್​​ ಮಾಡಿದ್ದಾರೆ. ಆದ್ರೆ ಪಾರ್ಸೆಲ್​​ ತೆಗೆದು ನೋಡುವಾಗ ಅಲ್ಲಿ ಕುಕ್ಕರ್ ಬದಲಾಗಿ ಮನೆ ಕಟ್ಟುವ ಇಟ್ಟಿಗೆ ಬಂದಿದೆ.

ಉಡುಪಿ: ಮಣಿಪಾಲದ ನಿವಾಸಿ ಸುಲೋಚನ ಎಂಬುವರು ಫ್ಲಿಪ್​ಕಾರ್ಟ್ ಮೂಲಕ ಕುಕ್ಕರ್​​ ಆರ್ಡರ್​​ ಮಾಡಿದ್ದು, ಪಾರ್ಸೆಲ್​​ನಲ್ಲಿ ಮನೆ ಕಟ್ಟುವ ಇಟ್ಟಿಗೆ ಬಂದಿದೆ. ಇಟ್ಟಿಗೆ ನೋಡಿ ಆಶ್ಚರ್ಯಗೊಂಡ ಸುಲೋಚನ ಫ್ಲಿಪ್​ಕಾರ್ಟ್ ಕಂಪನಿಗೆ ದೂರು ನೀಡಿದ್ದಾರೆ.

ಆನ್​ಲೈನ್​​ ಮೂಲಕ ಸಾಕಷ್ಟು ವ್ಯವಹಾರಗಳು ನಡೆಯುತ್ತಲೇ ಇದೆ. ಜನರು ಮನೆಯಲ್ಲೇ ಕುಳಿತು ಮೊಬೈಲ್ ಮೂಲಕ ಆನ್​ಲೈನ್​​​ನಲ್ಲಿ ಆರ್ಡರ್ ಮಾಡಿದರೆ ಮನೆಗೆ ವಸ್ತುಗಳು ಬಂದುಬಿಡುತ್ತವೆ. ಇತ್ತೀಚೆಗೆ ಸರಿಯಾಗಿ ಜನರು ಅಂಗಡಿ-ಮುಂಗಟ್ಟುಗಳ ಕಡೆಗೆ ಮುಖ ಮಾಡುವುದನ್ನೇ ಮರೆತುಬಿಟ್ಟಿದ್ದಾರೆ. ಆದ್ರೆ ಕೆಲವೊಮ್ಮೆ ಈ ಆನ್​ಲೈನ್​​​ ಆರ್ಡರ್ ಮೂಲಕ ಕೂಡ ಜನ ಮೋಸ ಹೋಗುತ್ತಾರೆ.

ಹೌದು, ಸುಲೋಚನ ಅವರು ಫ್ಲಿಪ್​ಕಾರ್ಟ್ ಮೂಲಕ ಕುಕ್ಕರ್​​​ ಅನ್ನು ಮೂರು ಸಾವಿರ ರೂಪಾಯಿಗೆ ಆರ್ಡರ್​​ ಮಾಡಿದ್ದಾರೆ, ಆದರೆ ಪಾರ್ಸಲ್​​ ತೆಗೆದು ನೋಡುದಾಗ ಅಲ್ಲಿ ಕುಕ್ಕರ್ ಬದಲಾಗಿ ಮನೆ ಕಟ್ಟುವ ಇಟ್ಟಿಗೆ ಇತ್ತು. ಇದರಿಂದ ಆಶ್ಚರ್ಯಗೊಂಡ ಸುಲೋಚನ ಫ್ಲಿಪ್​ಕಾರ್ಟ್ ಕಂಪನಿಗೆ ದೂರು ನೀಡಿದ್ದಾರೆ. ಇವರಿಗೆ ಫ್ಲಿಪ್​ಕಾರ್ಟ್​​ ಕಂಪನಿಯಿಂದ ಮೋಸ ಆಗಿದೆಯಾ ಅಥವಾ ಪಾರ್ಸಲ್​​ ತಲುಪಿಸುವ ಹುಡುಗರ ಕರಾಮತ್ತು ಏನಾದರೂ ಇದೆಯಾ ಎಂದು ತಿಳಿಯಬೇಕಾಗಿದೆ.