ಕೋವಿಡ್​ ಲಸಿಕೆಯ 2ನೇ ಡೋಸ್ ಪಡೆದ ಉಡುಪಿ ಜಿಲ್ಲಾಧಿಕಾರಿ

ಮೊದಲನೇ ವ್ಯಾಕ್ಸಿನ್ ಪಡೆದು 28 ದಿನವಾದರೂ ಕೆಲವು ಫ್ರಂಟ್​ಲೈನ್​ ವಾರಿಯರ್ಸ್ 2ನೇ ಡೋಸ್ ಪಡೆಯದೇ ಇರುವುದು ಗಮನಕ್ಕೆ ಬಂದಿರುತ್ತದೆ. 2ನೇ ಲಸಿಕೆ ಹಾಕಿಸಿಕೊಳ್ಳದೆ ಇದ್ದರೆ ಮೊದಲ ಲಸಿಕೆ ಹಾಕಿಸಿಕೊಂಡರೂ ಪ್ರಯೋಜನವಿಲ್ಲ ಎಂದು ಜಿಲ್ಲಾಧಿಕಾರಿ ಜಿ.ಜಗದೀಶ್ ಹೇಳಿದ್ದಾರೆ.

ಉಡುಪಿ: ಮೊದಲನೇ ವ್ಯಾಕ್ಸಿನ್ ಪಡೆದು ಸರಿಯಾಗಿ 28ನೇ ದಿನಕ್ಕೆ ಜಿಲ್ಲಾಧಿಕಾರಿ ಜಿ.ಜಗದೀಶ್ ಕೋವಿಶೀಲ್ಡ್ ಲಸಿಕೆಯ 2ನೇ ಡೋಸ್ ಹಾಕಿಸಿಕೊಂಡಿದ್ದಾರೆ.

ಜಿಲ್ಲಾ ಕೇಂದ್ರದಲ್ಲಿರುವ ಸರ್ಕಾರಿ ಆಸ್ಪತ್ರೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು ಅವರ ಜೊತೆಯಲ್ಲಿ ಬಂದ ಜಿಲ್ಲಾಧಿಕಾರಿ, ಚುಚ್ಚುಮದ್ದು ಹಾಕಿಸಿಕೊಂಡರು. ನಂತರ ವ್ಯಾಕ್ಸಿನ್​ ಕುರಿತು ಮಾತನಾಡಿದ ಅವರು, ಲಸಿಕೆ ಪಡೆಯುವ ವಿಚಾರದಲ್ಲಿ ಹಿರಿಯ ನಾಗರಿಕರ ಸ್ಪಂದನೆ ತುಂಬಾ ಚೆನ್ನಾಗಿದೆ. ಮತ್ತಷ್ಟು ಹಿರಿಯ ನಾಗರಿಕರು ವ್ಯಾಕ್ಸಿನ್ ಹಾಕಿಸಿಕೊಳ್ಳುವಂತೆ ಅವರ ಮಕ್ಕಳು ಅನುವು ಮಾಡಿಕೊಡಬೇಕು ಎಂದರು.

ಓದಿ:ವಿವಿಧ ಬೇಡಿಕೆಗಳ ಈಡೇರಿಕೆ ಆಗ್ರಹಿಸಿ ಮಹಿಳಾ ಹಮಾಲರಿಂದ ಪ್ರತಿಭಟನೆ

ಮೊದಲನೇ ವ್ಯಾಕ್ಸಿನ್ ಪಡೆದು 28 ದಿನವಾದರೂ ಕೆಲವು ಫ್ರಂಟ್​ಲೈನ್​ ವಾರಿಯರ್ಸ್ 2ನೇ ಡೋಸ್ ಪಡೆಯದೇ ಇರುವುದು ಗಮನಕ್ಕೆ ಬಂದಿರುತ್ತದೆ. 2ನೇ ಲಸಿಕೆ ಹಾಕಿಸಿಕೊಳ್ಳದೆ ಇದ್ದರೆ ಮೊದಲ ಲಸಿಕೆ ಹಾಕಿಸಿಕೊಂಡರೂ ಪ್ರಯೋಜನವಿಲ್ಲ. ಹಾಗಾಗಿ, ವಾರಿಯರ್ಸ್ ಮುಂದೆ ಬಂದು ಲಸಿಕೆ ಹಾಕಿಸಿಕೊಳ್ಳಬೇಕು ಎಂದು ಸೂಚಿಸಿದರು.