ಪ್ರವಾಸಿಗರಿಗಾಗಿ ಮಲ್ಪೆಯಲ್ಲಿ ಎರಡು ದಿನ ಬೀಚ್ ಉತ್ಸವ... ಡಾಗ್​​ ಶೋ, ಸ್ಯಾಂಡ್​​ ಆರ್ಟ್​​ ಹೈಲೈಟ್​​​​

ಸದಾ ಬ್ಯುಸಿಯಾಗಿರೋ ಮಲ್ಪೆ ಬೀಚ್​ನಲ್ಲಿ ಜನಜಂಗುಳಿ ಇನ್ನೂ ಹೆಚ್ಚಾಗಿದೆ. ಪ್ರವಾಸಿಗರಲ್ಲದೇ ಸ್ಥಳೀಯರು ಕೂಡ ಸೇರುತ್ತಿದ್ದಾರೆ. ಮಲ್ಪೆ ಬೀಚ್​​ನಲ್ಲಿ ಬೀಚ್​​ ಉತ್ಸವ ನಡೆಯುತ್ತಿದ್ದು, ಪ್ರವಾಸಿಗರಿಗೋಸ್ಕರ ಏರ್ಪಡಿಸಿರುವ ಕಾರ್ಯಕ್ರಮಗಳು ಉತ್ಸವಕ್ಕೆ ಮೆರುಗು ತಂದಿವೆ.

ಉಡುಪಿ: ನಗರಸಭೆ ಮತ್ತು ಬೀಚ್ ಸಮಿತಿ ವತಿಯಿಂದ ಪ್ರವಾಸಿಗರಿಗೋಸ್ಕರ ಮಲ್ಪೆ ಬೀಚ್​ನಲ್ಲಿ ಎರಡು ದಿನಗಳ ಕಾಲ ಬೀಚ್ ಉತ್ಸವ ಆಯೋಜಿಸಲಾಗಿದೆ.

ಮಲ್ಪೆ ಬೀಚ್​ನಲ್ಲಿ ಎರಡು ದಿನಗಳ ಕಾಲ ಬೀಚ್ ಉತ್ಸವ ನಡೆಯುತ್ತಿದ್ದು, ಉತ್ಸವದಲ್ಲಿ ಡಾಗ್​​ ಶೋ ಏರ್ಪಡಿಸಲಾಗಿದೆ. ಇದರಲ್ಲಿ ಡಾಬರ್ ಮೆನ್​, ಜರ್ಮನ್​ ಶೆಫರ್ಡ್, ಲ್ಯಾಬ್ರೋಡಾರ್, ಗೋಲ್ಡನ್ ರಿಟ್ರೀವರ್​​ನಂತಹ ಆಳೆತ್ತರದ ವಿವಿಧ ತಳಿಯ ನಾಯಿಗಳು ಪ್ರವಾಸಿಗರ ಗಮನ ಸೆಳೆದಿವೆ.

ಇದಲ್ಲದೆ ಕಡಲ‌ ಮಣ್ಣಿನಲ್ಲಿ ಬಿಡಿಸಿದ ಸ್ವಚ್ಛ ಭಾರತ್, ಭೂತ ಕೋಲ, ತುಳುನಾಡಿನ‌ ಅವಳಿವೀರರು ಕೋಟಿ ಚೆನ್ನಯ್ಯರ ಸ್ಪೆಶಲ್ ಸ್ಯಾಂಡ್ ಆರ್ಟ್ಸ್ ಬೀಚ್ ಉತ್ಸವಕ್ಕೆ ಮೆರಗು ಮೂಡಿಸಿತ್ತು. ಇನ್ನು ಯುವಕ - ಯುವತಿಯರಿಗಾಗಿ ವಾಲಿಬಾಲ್, ಥ್ರೋಬಾಲ್ ಇನ್ನಿತರ ಸ್ಪರ್ಧೆ ಆಯೋಜಿಸಲಾಗಿತ್ತು. ರಾಜ್ಯದ ವಿವಿಧ ಭಾಗದಿಂದ ಬಂದ ಯುವಜನತೆ ಕ್ರೀಡೆಯಲ್ಲಿ ಭಾಗವಹಿಸಿದರು. ಉಳಿದಂತೆ ಗಾಳಿಪಟ ಉತ್ಸವವನ್ನು ಕೂಡಾ ಸಾರ್ವಜನಿಕರಿಗಾಗಿ ಆಯೋಜಿಸಲಾಗಿತ್ತು.