ಟಿಪ್ಪರ್ ಪಲ್ಟಿ: ಸ್ಥಳದಲ್ಲಿಯೇ ಇಬ್ಬರ ಸಾವು

ಟಿಪ್ಪರ್ ಪಲ್ಟಿಯಾಗಿ ಚಾಲಕ ಸೇರಿದಂತೆ ಇಬ್ಬರು ಸಾವನ್ನಪ್ಪಿದ ಘಟನೆ ಕಾರ್ಕಳ ತಾಲೂಕಿನ ಪಳ್ಳಿ - ನಿಂಜೂರಿನಲ್ಲಿ  ನಡೆದಿದೆ. ಚಾಲಕ ಕಾರ್ಕಳ ಗಣಿತ ನಗರದ ನಿವಾಸಿ ಅರುಣ್‌ಕುಮಾರ್ (40) ಹಾಗೂ ಮತ್ತೋರ್ವ ಯುವಕ ಕಿಶೋರ್ (18) ಮೃತಪಟ್ಟವರು.

ಉಡುಪಿ: ಟಿಪ್ಪರ್ ಪಲ್ಟಿಯಾಗಿ ನೀರಿನ ಹೊಂಡಕ್ಕೆ ಬಿದ್ದ ಪರಿಣಾಮ ಚಾಲಕ ಸೇರಿದಂತೆ ಇಬ್ಬರು ಸಾವನ್ನಪ್ಪಿದ ಘಟನೆ ಕಾರ್ಕಳ ತಾಲೂಕಿನ ಪಳ್ಳಿ - ನಿಂಜೂರಿನಲ್ಲಿ ನಡೆದಿದೆ.

ಟಿಪ್ಪರ್ ಚಾಲಕ ಕಾರ್ಕಳ ಗಣಿತನಗರದ ನಿವಾಸಿ ಅರುಣ್‌ಕುಮಾರ್ (40)ಹಾಗೂ ಮತ್ತೋರ್ವ ಯುವಕ ಕಿಶೋರ್ (18) ಮೃತಪಟ್ಟವರು. ಮಣ್ಣು ತರಲೆಂದು ತೆರಳಿದಾಗ ನಿಂಜೂರು ಗ್ರಾಮದ ಮದಗ ಎಂಬಲ್ಲಿ ಟಿಪ್ಪರ್​ ನಿಯಂತ್ರಣ ತಪ್ಪಿ ನೀರು ತುಂಬಿದ ಹೊಂಡಕ್ಕೆ ಮಗುಚಿ ಬಿದ್ದಿದೆ. ಪರಿಣಾಮ ಇಬ್ಬರು ಹೊರ ಬರಲಾರದೇ ಸ್ಥಳದಲ್ಲೇ ಸಾವನಪ್ಪಿದ್ದಾರೆ ಎಂದು ತಿಳಿದು ಬಂದಿದೆ.

ಈ ಸಂಬಂಧ ಕಾರ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.