ಉಡುಪಿ: ಮದುವೆ ಆಮಂತ್ರಣ ನೀಡುವ ನೆಪದಲ್ಲಿ ಒಂಟಿ ಮಹಿಳೆಯ ಮನೆಗೆ ನುಗ್ಗಿ, ಬಂಗಾರ ಕಳ್ಳತನಕ್ಕೆ ಯತ್ನಿಸಿದ ಆರೋಪಿಗಳಿಗೆ ಸಾರ್ವಜನಿಕರು ಸಖತ್ ಗೂಸಾ ನೀಡಿ, ಪೊಲೀಸರಿಗೆ ಒಪ್ಪಿಸಿದ ಘಟನೆ ನಗರದ ಕುಂದಾಪುರ ಜಿ.ಎಂ.ರೋಡ್ ಮಸೀದಿ ಬಳಿ ನಡೆದಿದೆ.
ತಾಲೂಕಿನ ಕಾರ್ಕಳದ ಕುಂಟಲಪಾಡಿ ನಿವಾಸಿಗಳಾದ ಮಹಮ್ಮದ್ ಆಸೀಫ್, ಫಿರ್ದೋಸ್ ಎಂಬುವವರನ್ನು ಬಂಧಿಸಲಾಗಿದೆ.
ನಗರದ ಜಿ.ಎಂ.ರಸ್ತೆ ನಿವಾಸಿ ಮೆಹರುನ್ನೀಸಾ ಕುಟುಂಬಕ್ಕೆ ಮುಂಚೆಯಿಂದಲೂ ಪರಿಚಿತವಾಗಿದ್ದ ಆರೋಪಿಗಳು, ಮೆಹರುನ್ನೀಸಾ ಪತಿ ಅಬು ಮಹಮ್ಮದ್ ಶುಕ್ರವಾರ ಮಸೀದಿಗೆ ತೆರಳುತ್ತಿದ್ದಂತೆ, ಮದುವೆ ಆಮಂತ್ರಣ ನೆಪ ಮಾಡಿಕೊಂಡು ಮನೆ ಬಂದಿದ್ದಾರೆ. ಒಬ್ಬರೆ ಮನೆಯಲ್ಲಿರುವುದನ್ನು ಖಾತರಿ ಪಡಿಸಿಕೊಂಡು. ಬಾಯಿಗೆ ಬಟ್ಟೆ ತುರಕಿ, ಕೊರಳಿನಲ್ಲಿನ ಚಿನ್ನದ ಒಡವೆ ಕದಿಯಲು ಯತ್ನಿಸಿದ್ದಾರೆ. ಕಿರುಚಾಟ ಕೇಳಿಸಿದ್ದರಿಂದ ಅಕ್ಕ, ಪಕ್ಕದ ಮನೆಯವರೆಲ್ಲ ಧಾವಿಸಿದ್ದು, ಆರೋಪಿಗಳನ್ನು ಹಿಡಿದು ಮನ ಬಂದಂತೆ ಥಳಿಸಿದ್ದಾರೆ.
ಮಹಿಳೆ ಫಿರ್ದೋಸ್ ಗಂಡನ ಕೊಂದ ಪಾತಕಿ: ಆರೋಪಿ ಮಹಿಳೆ ಫಿರ್ದೋಸ್, ಆಸೀಫ್ ಜೊತೆ ಸೇರಿ ಆಕೆಯ ಪತಿಯಾದ, ಮಂಗಳೂರು ಗಂಜಿ ಮಠದ ನಿವಾಸಿ ಸಮೀರ್ ಅನ್ನು ಕೊಲೆ ಗೈದ ಪ್ರಕರಣದ ಆರೋಪಗಳಾಗಿದ್ದರು. ಕಳೆದ ತಿಂಗಳು ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದರು.
ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.