ಮಲ್ಪೆಯಲ್ಲಿ ದೋಣಿ ಮುಳುಗಡೆ: ಎಂಟು ಮೀನುಗಾರರ ರಕ್ಷಣೆ

ಉಡುಪಿ ಮಲ್ಪೆಯಲ್ಲಿ ನೀರು ನುಗ್ಗಿ ದೋಣಿಯೊಂದು ಮುಳುಗಿದ್ದು, ಅದರಲ್ಲಿದ್ದ 8 ಮಂದಿ ಮೀನುಗಾರರನ್ನು ರಕ್ಷಿಸಲಾಗಿದೆ.

ಉಡುಪಿ:ಮಲ್ಪೆಯಲ್ಲಿ ನೀರು ನುಗ್ಗಿ ದೋಣಿಯೊಂದು ಮುಳುಗಿದ್ದು, ಅದರಲ್ಲಿದ್ದ 8 ಮಂದಿ ಮೀನುಗಾರರನ್ನು ರಕ್ಷಿಸಲಾಗಿದೆ.

ಮಲ್ಪೆಯಿಂದ 30 ನಾಟಿಕಲ್ ಮೈಲ್ ದೂರದಲ್ಲಿ ಪುಷ್ಪ ಜೆ.ಕೋಟ್ಯಾನ್ ಅವರಿಗೆ ಸೇರಿದ ಶ್ರೀಲಲಿತಾಂಬಿಕಾ ಹೆಸರಿನ ಬೋಟ್​ ಮುಳುಗಡೆಯಾಗಿದೆ​. ಆಳ ಸಮುದ್ರದಲ್ಲಿ ಮೀನುಗಾರಿಕೆ ನಡೆಸುತ್ತಿರುವ ಸಂದರ್ಭದಲ್ಲಿ ಅಲೆಗಳು ಬಡಿದ ರಭಸಕ್ಕೆ ನೀರು ಬೋಟ್ ಒಳ ಹೊಕ್ಕಿತು. ಇದರ ಪರಿಣಾಮ ದೋಣಿ ಮುಳುಗುವ ಅಪಾಯಕ್ಕೆ ಸಿಲುಕಿತು.

ಅಪಾಯದಲ್ಲಿದ್ದ ಬೋಟ್​ ಅನ್ನು ಕಂಡ ಅಂಭಾ ಭಗವತಿ ದೋಣಿಯ ಮೀನುಗಾರರು ತಕ್ಷಣ ಧಾವಿಸಿ ಎಂಟು ಮಂದಿ ಮೀನುಗಾರರನ್ನು ರಕ್ಷಿಸಿದರು. ಅಲೆಗಳ ಅಬ್ಬರ ಹೆಚ್ಚಾದ ಪರಿಣಾಮ ದೋಣಿಯನ್ನು ದಡ ಸೇರಿಸಲು ಸಾಧ್ಯವಾಗಿಲ್ಲ. ಮುಳುಗಡೆಯಾದ ದೋಣಿನಲ್ಲಿ 7.5 ಸಾವಿರ ಲೀಟರ್​ ಡಿಸೇಲ್ ಬಲೆ, ಸಲಕರಣೆಗಳು ಸೇರಿದಂತೆ ₹ 65 ಲಕ್ಷ ಮೌಲ್ಯದಷ್ಟು ನಷ್ಟ ಸಂಭವಿಸಿದೆ ಎಂದು ತಿಳಿದು ಬಂದಿದೆ.