ಕುಂದಾಪುರ ಮೂಲದ ದಂಪತಿಗೆ ಮ್ಯೂನಿಚ್​ನಲ್ಲಿ ಚೂರಿ ಇರಿತ

ಭಾರತೀಯ ಮೂಲದ ದಂಪತಿಗೆ ಜರ್ಮನಿಯ ಮ್ಯೂನಿಚ್ ನಗರದಲ್ಲಿ ಮಾನಸಿಕ ಅಸ್ವಸ್ಥ ವ್ಯಕ್ತಿಯೋರ್ವ ಚೂರಿ ಇರಿದಿರುವ ಘಟನೆ ನಡೆದಿದೆ.

ಉಡುಪಿ: ಜರ್ಮನಿಯ ಮ್ಯೂನಿಚ್ ನಗರದಲ್ಲಿ ನಡೆದ ಚೂರಿ ಇರಿತದಲ್ಲಿ ಕುಂದಾಪುರ ಮೂಲದ ದಂಪತಿ ಸಿಲುಕಿ ಹಾಕಿಕೊಂಡಿದ್ದು, ಪತ್ನಿ ಪಾರಾಗಿ ಪತಿ ಮೃತಪಟ್ಟ ಘಟನೆ ನಡೆದಿದೆ.

ಕುಂದಾಪುರದ ಬಸ್ರೂರು ಮೂಲದ ಪ್ರಶಾಂತ್ ಸಾವಿಗೀಡಾಗಿದ್ದು, ಪತ್ನಿ ಸ್ಮಿತಾ ಸಿದ್ಧಾಪುರ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಸದ್ಯ ಈ ಕುರಿತು ಭಾರತೀಯ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಟ್ವೀಟ್ ಮಾಡಿ ಮಾಹಿತಿ ನೀಡಿದ್ದು, ಮೃತಪಟ್ಟ ಪ್ರಶಾಂತ್ ಬಸ್ರೂರು ಅವರ ತಮ್ಮನಿಗೆ ಜರ್ಮನಿ ತೆರಳಲು ವ್ಯವಸ್ಥೆ ಕಲ್ಪಿಸಿರುವುದಾಗಿ ತಿಳಿಸಿ, ಪ್ರಶಾಂತ್ ಸಾವಿಗೆ ಸಂತಾಪ ಸೂಚಿಸಿದ್ದಾರೆ.

ಭಾರತೀಯ ಮೂಲದ ಈ ದಂಪತಿಗೆ ಇಬ್ಬರು ಮಕ್ಕಳಿದ್ದು, ಸುಮಾರು 15 ವರ್ಷಗಳಿಂದ ಮ್ಯೂನಿಚ್ ನಿವಾಸಿಗರಾಗಿದ್ದರು. ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಮಾನಸಿಕ ಅಸ್ವಸ್ಥ ವ್ಯಕ್ತಿಯೋರ್ವ ದಂಪತಿಗೆ ಚೂರಿ ಇರಿದಿದ್ದ ಎನ್ನಲಾಗಿದೆ.