ಉಡುಪಿ: ಸೂಟ್ಕೇಸ್ನೊಳಗೆ ಒಳಗೆ ಯುವತಿ ಪತ್ತೆ ಘಟನೆಗೆ ಸಂಬಂಧಪಟ್ಟಂತೆ ವೈರಲ್ ಆದ ವಿಡಿಯೋ ಮಣಿಪಾಲ ವಿಶ್ವ ವಿದ್ಯಾನಿಲಯದ್ದು ಅಲ್ಲ ಅಂತಾ ಮಣಿಪಾಲ ವಿಶ್ವವಿದ್ಯಾನಿಲಯ ಸ್ಪಷ್ಟೀಕರಣ ನೀಡಿದೆ.
ಯುವಕ ತನ್ನ ಗೆಳತಿಯನ್ನ ಸೂಟ್ಕೇಸ್ ಒಳಗೆ ಕೂರಿಸಿ ಹಾಸ್ಟೆಲ್ಗೆ ಕರೆತರಲು ಯತ್ನ ಕುರಿತ ಈ ವಿಡಿಯೋ ಮಣಿಪಾಲ ವಿವಿಯ ಎಂಐಟಿ ಕ್ಯಾಂಪಸ್ ನಲ್ಲಿ ನಡೆದಿತ್ತು ಎಂದು ವೈರಲ್ ಮಾಡಲಾಗಿತ್ತು. ಟ್ವಿಟರ್ನಲ್ಲಿ ಪ್ರಕಟಗೊಂಡ ವಿಡಿಯೋ ನಮ್ಮದಲ್ಲ. ಟ್ವಿಟರ್ ನಲ್ಲಿ ಹರಿದಾಡುತ್ತಿರುವ ವಿಡಿಯೋ ನಖಲಿ ಎಂದು ಮಣಿಪಾಲ ವಿವಿಯ ಮಾಧ್ಯಮ ವಕ್ತಾರ ಎಸ್ ಪಿ ಕರ್ (S P KAR) ಸ್ಪಷ್ಟನೆ ನೀಡಿದ್ದಾರೆ.
ಈ ವಿಡಿಯೋ 2019 ಮಾ. 20 ರಂದು ಫೇಸ್ ಬುಕ್ ನಲ್ಲಿ ಅಪ್ಲೋಡ್ ಆಗಿದೆ. ಇದು ಮಣಿಪಾಲ ವಿವಿಯದಲ್ಲ ಎಂದಿದ್ದಾರೆ.
ಈ ಘಟನೆ ಡೆಹ್ರಾಡೂನ್ನ ಹಾಸ್ಟೇಲ್ ನಲ್ಲಿ 2019 ನಡೆದದ್ದಾಗಿದೆಯಂತೆ. ಹಾಸ್ಟೆಲ್ ಗೇಟ್ನಲ್ಲಿ ಭದ್ರತಾ ಸಿಬ್ಬಂದಿ ಅಡ್ಡಗಟ್ಟಿದಾಗ ಸೂಟ್ಕೇಸ್ ಒಳಗಿಂದ ಯುವತಿ ಹೊರಬರುತ್ತಿರುವ ದೃಶ್ಯ ಸಿಸಿಟಿವಿ ದೃಶ್ಯದಲ್ಲಿ ಸೆರೆಯಾಗಿದೆ. ಈ ಗೇಟ್ ಮಣಿಪಾಲದ ಕ್ಯಾಂಪಸ್ ಗೇಟ್ ರೀತಿಯೇ ಇರುವುದರಿಂದ ಇದು ಇಲ್ಲಿಯೇ ನಡೆದಿದೆ ಎಂದು ಎಲ್ಲಾ ಕಡೆ ಸುದ್ದಿ ವೈರಲ್ ಆಗಿದೆ ಎಂದು ಹೇಳಿದ್ದಾರೆ.
ಹೆಚ್ಚಿನ ಓದಿಗೆ:ಸೂಟ್ಕೇಸ್ನಲ್ಲಿ ಮುಚ್ಚಿಟ್ಟು ಹಾಸ್ಟೆಲ್ಗೆ ಯುವತಿಯನ್ನು ಹೊತ್ತು ತಂದ ಲವರ್.. ಮುಂದಾಗಿದ್ದೇನು!?