ಪುಟ್ಟ ಬಾಲಕಿಯ ಪಿಲಿ ನಲಿಕೆ ವಿಡಿಯೋ ನೋಡಿ

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿರುವ ಬಾಲಕಿಯ ಹುಲಿ ಕುಣಿತದ ವಿಡಿಯೋಗೆ ನೆಟ್ಟಿಗರು ಮನಸೋತಿದ್ದಾರೆ.

ಹುಲಿ ವೇಷಧಾರಿ ಕಲಾವಿದರೊಂದಿಗೆ ಪುಟ್ಟ ಬಾಲಕಿಯೊಬ್ಬಳು ಹೆಜ್ಜೆ ಹಾಕಿದ ವಿಡಿಯೋ ವೈರಲ್​ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ಸದ್ದು ಮಾಡುತ್ತಿದೆ. ಚಿಕ್ಕ ಬಾಲಕಿಯ ಪುಟಾಣಿ ಹೆಜ್ಜೆಗಳಿಗೆ ನೆಟ್ಟಿಜನ್ಸ್​ ಮನಸೋತು ಮನದುಂಬಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

'ವಿಸಿಟ್​ ಉಡುಪಿ' ಎಂಬ ಟ್ವಿಟರ್​ ಖಾತೆಯಲ್ಲಿ ಬಾಲಕಿಯ ಹುಲಿ ಕುಣಿತದ ವಿಡಿಯೋ ಅಪ್​ಲೋಡ್​ ಮಾಡಲಾಗಿದೆ. ರಸ್ತೆಯಲ್ಲಿ ನೃತ್ಯ ಮಾಡುತ್ತಿದ್ದ ಹುಲಿ ವೇಷಧಾರಿಗಳಿಗೆ ಬಾಲಕಿಯ ತಾಯಿ ಹಾರ ಹಾಕಿ ಗೌರವಿಸುತ್ತಾರೆ. ಈ ಸಂದರ್ಭದಲ್ಲಿ ತಾಯಿ ಜೊತೆಗಿದ್ದ ಬಾಲಕಿಯನ್ನು ಹುಲಿ ವೇಷಧಾರಿಯೊಬ್ಬರು ಕರೆದು ಹೆಜ್ಜೆ ಹಾಕುತ್ತಾರೆ. ಕಲಾವಿದನ ಕುಣಿತಕ್ಕೆ ಬಾಲಕಿ ಕೂಡ ಹೆಜ್ಜೆ ಹಾಕಿರುವುದು ರೋಮಾಂಚನ ಉಂಟು ಮಾಡುತ್ತದೆ.

ಈ ವಿಡಿಯೋ ಇದುವರೆಗೆ 5.9 ಲಕ್ಷ ಬಾರಿ ವೀಕ್ಷಣೆಯಾಗಿದೆ. 31 ಸಾವಿರಕ್ಕೂ ಅಧಿಕ ಜನರು ಲೈಕ್​ ಮಾಡಿದ್ದಾರೆ. 3,500 ಜನರು ವಿಡಿಯೋವನ್ನು ರಿಟ್ವೀಟ್​ ಮಾಡಿದ್ದಾರೆ.

ಇದನ್ನೂ ಓದಿ:ಜಂಬೂ ಸವಾರಿಯ ಕ್ಯಾಪ್ಟನ್ ಅಭಿಮನ್ಯುಗೆ ಮಜ್ಜನ ಹೇಗಿದೆ ನೋಡಿ