ಕಿಶನ್ ಹೆಗಡೆ ಕೊಲೆಗೈದ ಐವರು ಆರೋಪಿಗಳು ಅಂದರ್​, ಅಂದಹಾಗೆ ಹತ್ಯೆಗೆ ಕಾರಣ ಏನು?

ಕಿಶನ್ ಹೆಗಡೆ ಕೊಲೆ ಪ್ರಕರಣದ 5 ಆರೋಪಿಗಳನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ವರಿಷ್ಠಾಧಿಕಾರಿ ವಿಷ್ಣುವರ್ಧನ್ ತಿಳಿಸಿದ್ದಾರೆ.

ಉಡುಪಿ:ಕಿಶನ್ ಹೆಗಡೆ ಕೊಲೆ ಪ್ರಕರಣದ 5 ಆರೋಪಿಗಳನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ವರಿಷ್ಠಾಧಿಕಾರಿ ವಿಷ್ಣುವರ್ಧನ್ ತಿಳಿಸಿದ್ದಾರೆ.

ಮನೋಜ್ ಕುಲಾಲ್ (37), ಚಿತ್ತರಂಜನ್ (27), ಚೇತನ್ (32), ರಮೇಶ್ (38) ಹಾಗೂ ದೀಕ್ಷಿತ್ (29) ಬಂಧಿತ ಆರೋಪಿಗಳು. ಈ ಕುರಿತು ಪ್ರತಿಗೋಷ್ಠಿಯಲ್ಲಿ ಮಾತನಾಡಿದ ಎಸ್​ಪಿ ವಿಷ್ಣುವರ್ಧನ್, ಕಾರ್ಕಳದ ಎಸ್​.ಕೆ.ಬಾರ್ಡರ್ ಬಳಿ ಕಿಶನ್ ಹೆಗಡೆ ಕೊಲೆ ಪ್ರಕರಣದ 5 ಆರೋಪಿಗಳನ್ನು ಬಂಧಿಸಲಾಗಿದೆ.

ಕಿಶನ್ ಹೆಗಡೆಯನ್ನು ಮಂಗಳೂರಿನಿಂದ ಹಿಂಬಾಲಿಸಿಕೊಂಡು ಬಂದಿದ್ದ ಹಂತಕರು, ಹಿರಿಯಡ್ಕ ಬಳಿ ಅಡ್ಡಕಟ್ಟಿ ತಲವಾರಿನಿಂದ ಕಡಿದು ಕೊಲೆ ಮಾಡಿದ್ದಾರೆ. ಹಣಕಾಸಿನ ವ್ಯವಹಾರ ಮತ್ತು ವೈಯಕ್ತಿಕ ವೈಷಮ್ಯವೇ ಕೊಲೆಗೆ ಪ್ರಮುಖ ಕಾರಣ. ಪ್ರಮುಖ ಆರೋಪಿ ಮನೋಜ್ ಮೇಲೆ ಈಗಾಗಲೇ 17 ಕೇಸ್​ಗಳಿವೆ. ಚೇತನ್ ಮತ್ತು ಚಿತ್ತರಂಜನ್ ಮೇಲೂ ತಲಾ ಐದು ಪ್ರಕರಣಗಳಿವೆ ಎಂದರು.

ಇನ್ನು, ಘಟನೆ ನಡೆದ 24 ಗಂಟೆಗಳಲ್ಲೇ ಆರೋಪಿಗಳನ್ನು ಬಂಧಿಸಲಾಗಿದ್ದು, ಬಂಧಿತರಿಂದ ಮೂರು ಕಾರುಗಳನ್ನು ವಶಕ್ಕೆ ಪಡೆಯಲಾಗಿದೆ.