ಉಡುಪಿ: ತಲೆಗೆ ಮುಟ್ಟಾಲೆ ಇಟ್ಟು, ಪಂಚೆ ಬಿಗಿದು ಮಗನ ಜೊತೆ ಕೃಷಿ ಕಾಯಕದಲ್ಲಿ ತೊಡಗಿರುವ ಇವರೇ ಶಿಕ್ಷಕ ಗೋವಿಂದ್ ರಾವ್. ಜಿಲ್ಲೆಯ ಗಿಳಿಯಾರು ನಿವಾಸಿಯಾಗಿರುವ ಗೋವಿಂದರಾವ್ ಅವರನ್ನ ನೋಡಿದ್ರೆ ಅಪ್ಪಟ ಕೃಷಿಕ ಅಂತಾ ನೀವು ಅಂದುಕೊಳ್ಳಬಹುದು. ಆದರೆ, ಇವರು ಮಾಬುಕಳ ಹಂಗಾರಕಟ್ಟೆಯ ಚೇತನಾ ಪ್ರೌಢಶಾಲೆಯ ವಿಜ್ಞಾನ ಶಿಕ್ಷಕರು. ಇವರಿಗೆ ಬಿಡುವು ಸಿಕ್ಕಾಗಲೆಲ್ಲ ಹೊಲದಲ್ಲಿ ಕೆಲಸ ಮಾಡುತ್ತಾರೆ. ಸದ್ಯ ಇವರು ಭತ್ತ ಬೆಳೆದಿದ್ದು, ಇದಕ್ಕೆ ಕಾಡು ಪ್ರಾಣಿಗಳ ಹಾವಳಿ ಹೆಚ್ಚಾಗಿತ್ತು.
ಪ್ರಾಣಿಗಳಿಂದಾಗುವ ಬೆಳೆ ಹಾನಿ ತಡೆಯೋದಕ್ಕೆ ‘ಮಾಸ್ಟರ್’ ಪ್ಲಾನ್
ಕಾಡು ಪ್ರಾಣಿಗಳ ಹಾವಳಿಯಿಂದ ಬೆಳೆ ರಕ್ಷಿಸಲು ಇವರು ಹೊಸ ಉಪಾಯವೊಂದನ್ನ ಕಂಡುಕೊಂಡಿದ್ದಾರೆ. ತೆಂಗಿನ ಮರದ ನಡುವೆ ದಾರ ಕಟ್ಟಿ ಅದಕ್ಕೆ ಪ್ಲಾಸ್ಟಿಕ್ ಡಬ್ಬ ನೇತಾಕುತ್ತಾರೆ. ರಾತ್ರಿ ವೇಳೆ ಅದರಲ್ಲಿ ಎರಡು ಲೈಟ್ ಅನ್ನು ಆನ್ ಮಾಡಿ ಇಡ್ತಾರೆ. ಅದು ಸುತ್ತ ತಿರುಗ್ತಾ ಇರುತ್ತೆ.